“ගර්භණී අවස්ථාවේදී දුම්පානය නවත්වන්න.  ඔබේ සහකරුගෙන් ද දුම්පානය නවත්වන ලෙස ඉල්ලා සිටින්න”

ඔබේ ගර්භයේ සිටින බබාට දුම්කොළ වලින් නික්මෙන දුම ඉතා අහිතකර වේ.  සිගරට්, සුරුට්ටු සහ පයිප්ප දුම්වල 7,000 කට වඩා රසායනික ද්‍රව්‍ය අඩංගු වේ.  ඔබේ බබාව දුම්කොළ වලින් නික්මෙන දුමෙන් ආරක්ෂා කිරීම ඔබේත්, ඔබේ සහකරුගේත් වගකීමකි.  ඔබ සිගරට් දුම උරන සෑම වාරයකදීම ඔබේ බබාගේ හෘද ස්පන්දනය ඉතා දැඩි වන බව ඔබ දන්නවාද?  එයට හේතුව ඔබ සිගරට් දුම උරන වාරයක් පාසා, ඔබේ බබාට ඔබෙන් යන ඔක්සිජන් ප්‍රමාණය ඉතා අඩු මට්ටමක පවතින නිසයි.

ඉතා ඉක්මනින් දුම්බීම නැවැත්වීම ඔබටත්, ඔබේ බබාටත් හිතකර වේ.  එවිට ඔබේ ගර්භණී භාවයට ඇතිවිය හැකි ව්‍යාකූලත්වය අඩුවන අතර, ගබ්සා වීම්, මළ දරු උපත්, නොමේරූ දරු උපත්, හදිසි ළදරු මරණ (Sudden Infant Death Syndrome – SIDS) සහ උපත් බර අඩුවීම් ආදී අවදානම් තත්ත්ව අඩු කර ගත හැකිය.

ඔබ කලින් දුම්පානය කළ අයෙක් නම්, අමතර උදව්වක් නොමැතිව එම පුරුද්ද අත්හැරීම අපහසු විය හැක.  මේ පුරුද්ද සම්පූර්ණයෙන් නැති කිරීම විශේෂඥ උදව් මගින් කළ හැකි බව වාර්තා පෙන්වා දෙයි.  මේ පිලිබඳ ඔබේ වෛද්‍යවරයාගේ සහය පතන්න.

ඔබ දුම් පානයෙන් පිටවන දුම්වලට නිරාවරණය වන්නට එපා

ඔබ දුම්පානය නොකළත්, අන් අය පිට කරන සිගරට්/සුරුට්ටු/පයිප්ප දුම් වලට ඔබ නිරාවරණය වීම හෙවත් එම දුම් ඔබ ආඝ්‍රානය කිරීම ද, ඔබේ බබාට ඉතා අහිතකර වේ. ඔබේ සහකරුගේ හෝ ඔබේ නිවසේ/රැකියාව කරන ස්ථානයේ වෙනත් කෙනෙක් දුම් පානය කරන්නේ නම්, එම දුම ඔබේ බබාට, ඔහු/ඇය ඉපදීමට පෙර හෝ පසු බල පෑ හැකිය. අවුරුදු 15ට වැඩි පිරිමින්ගෙන්, 25%ක් ශ්‍රී ලාංකිකයන් දුම් බොන්නන් බව ලෝක බැංකු දත්ත වලින් පෙන්වා දෙනු ලැබේ. මෙයින් පෙන්වා දෙන්නේ, ඔබේ නිවසේදී හෝ රැකියාව කරන ස්ථානයේදී ඔබ දුම් පානය කරන්නෙකුගේ දුම් වලට බඳුන් වන බවයි.  එසේ අන් අයෙකුගේ දුම් වැටියකින් පිටවන දුම ඔබට ආඝ්‍රාණය වේ නම්, නොමේරූ දරු උපතකට, මළ දරු උපතකට, උපත් බර අඩු දරු උපතකට, හදිසි ළඳරු මරණයකට හෝ සෙංගමාලය, ලේ අඩුකම සහ පෙනහළු රෝග වැනි  අලුත උපන් දරුවාගේ සෞඛ්‍ය ගැටළුවකට  ඔබට මුහුණ පෑමට සිදු විය හැක.

දුම් පානය කරන දෙමව්පියන්ගේ දරුවන්,  වයස මාස 18ක් වැනි කාලයක් තුල හදිසි ළඳරු මරණයකට, ශ්වාසනාළිකා ප්‍රදාහය, නිව්මෝනියාව සහ ඇදුම වැනි රෝගයන්ට මැදිහත් විය හැක.  එසේම, ඔවුන්ට සෙම්ප්‍රතිශ්‍යාව, කැස්ස සහ ශ්‍රවනේන්ද්‍රියන් සම්බන්ධ රෝග ආදී රෝගයන්ට මුහුණු පෑමට ඇති අවදානම, දුම් පානයට නැඹුරු නොවූ දෙමව්පියන්ගේ දරුවන්ට වැඩි වේ.  ඔබට ඔබේ ආදරණීය බබාට මෙවැනි  අවස්ථාවකට  මුහුණ පෑමට ඉඩ දිය හැකිද?

එය තවමත් ප්‍රමාද වැඩි නොවේ. ඔබ ගර්භණී අවස්ථාවේ සිටින විට, ඔබ ඉක්මනින් දුම්පානය නැවත්වුවහොත්,  ඔබේ බබාට  නීරෝගී වර්ධනයක් ඇතිවීමට ඇති හැකියාව ඉතා අධිකය.  ඔබේ නිවසේ වෙසෙන අයෙක්, ඔබේ රැකියා ස්ථානයේ අයෙක් හෝ  ඔබ සමඟ එකම රථයේ ගමන් කරන අයෙක් දුම්බීමට ලැහැස්ති වේනම්, ඔවුන්ට  එම ස්ථානයෙන් පිටතට ගොස් දුම්පානය කිරීමට සලස්වන්න.  එවිට ඔබට ඔවුන් පිටකරන දුමාරය ආඝ්‍රණය නොවේ.  ඔබේ ගර්භණී අවස්ථාවේ අවසන් අදියරේදී හෝ  ඔබ මෙම දුම්පානයෙන් හෝ දුම් වැටී වලින් නික්මෙන දුමාරයෙන් වැළකේ නම්, එමඟින්ද, ඔබේ සහ ඔබේ බබාගේ සෞඛ්‍ය පිළිබඳ සෑහෙන හොඳ ප්‍රතිචාරයක් ඇති කරනු ලැබේ.

#pregnancytime #damagetocigarettesmokeduringpregnancy #badhabit #mother #mothercare

The post ගර්භණී අවස්ථාවේ දී සිගරට් දුම් වලින් සිදුවන හානි appeared first on mummypages.lk-Pregnancy and Parenting.

අශාලි මගේ උකුලට තෙරපෙන විට, ඇගේ උදර නාභියේ අමුණා ඇති කටුව දැක්කා.  එය ඇල්ලීමට මම බිය උනා.  මට දොස්තර මහතා කිවුවේ, එය පිරිසිදුව සහ තෙතමණය නැතිව තබා ගන්නා ලෙසයි.  එලෙස කිරීම මට ඉතා අමාරු කාර්යයක් උනා.  මම අශාලි වඩා ගැනීමට බිය උනේ, එම කටුව නිසා එයාට රිදෙයි කියලයි.  සතියකින් පමණ එම කටුව ගැලවී වැටුන විට තමයි, මට හුස්ම ගැනීමට පවා පහසුවක් ඇති වුනේ.

අලුතෙන්  මව්වරුන් බවට පත්වූ කාන්තාවන්, තම බිලිඳාගේ නාභියේ පැළඳ වූ  මෙම උපකරණය ගැන පුදුමයට පත් වෙයි.  එයට හේතුව ඔවුන් දරුවාගේ පෙකණිවැල  ගැන කරුණු නොදන්නා නිසයි. මවක් වශයෙන් මටත් එය අද්භූත දෙයක් උනා.  මම ඒ ගැන දැනගත්දේ මෙයයි.

බිලිඳාට අවශ්‍ය ආහාර සහ ඔක්සිජන් ලබා ගනුයේ මවගේ වැදෑමහ  සමඟ සම්බන්ධ වූ බිලිඳාගේ උදරයේ ඇති පෙකණි වැල මාර්ගයෙනි.

බබා ඉපදෙන විට මෙය ජොල් වූ මස් වැදැල්ලකි.  එය  බිලිඳාගේ ශරීරයට අසලින් කපා ඉවත් කරයි.  ඉතිරිකොටස බබාට නොරිදෙන  ක්‍රියාවලියක් මගින්  මෙසේ කටුවක් ගසා හිර කර තබයි.  එය ක්‍රමයෙන් වේලී ගොස් සති 2 – 3ක් අතර ගැලවී යයි.  බබාගේ නාභිය පමණක් ඉතිරි වේ.

අද කාලයේ දෙමව්පියන්ට, බබාගේ පියා  එම පෙකණි වැල කැපීම ඉතා සුවිශේෂී දෙයකි.   ශ්‍රී ලංකාවේ පියවරුන්ට, දරු ප්‍රසුතියේදී මවට අඩි10කට වඩා ලං වීමට ඉඩ නොදේ.  ඇත්තෙන්ම බිලිඳාගේ පෙකණිවැල කැපීම, සෑම පියෙකුටම සතුටුදායක ක්‍රියාවක් නොවේ.

එම ක්‍රියාව දරු ප්‍රසුතියේදී ඉතා විශේෂ කටයුත්තකි.  පෙකණිවැල කැපූ වහාම, එම ස්ථානය කටුවක් වැනි වූ කුඩා උපකරණයෙන් වැසීම කළ යුතු වේ.  එයට හේතුව, එවිට බබාගේ ශරීරයෙන් වැඩිපුර ලේ වහනය සිදු වී සෙංගමාලය වැනි රෝග නොසෑදීමයි.

වර්තමානයේ සිදු කල පර්යේෂණ වලින් සොයා ගෙන ඇත්තේ, මෙමපෙකණිවැල කැපීම බබා ඉපදී විනාඩි තුනකින් පමණ සිදු කිරීම බබාට සුභදායක බවයි.  එයට හේතුව වශයෙන් ප්‍රකාශ කරන්නේ, අළුත උපන් බිලිඳාගේ ලේ ගමනාගමනය තවමත් මෙම පෙකණිවැල හරහා සිදුවන  නිසයි.කිරිකැටියා ඉපදුන විටම පෙකණිවැල කැපීමෙන්, රුධිරය කැටි ගැසීමට සහ කිරි කැටියාගේ  රුධිර ගමනාගමනයට බාධා ඇතිවිය හැක.

මෙම කලම්පය (උපකරණය) කුමක්ද  ?

මෙම උපකරණ භාවිතා කරන්නේ පෙකණි වැල කැපූ පසු, බිළිඳාගේ ශරීරයේ ඇති කොටස  එහා මෙහා නොවී එක තැනක තබා ගැනීමටය.  එහි හැඩය සහ ස්වභාවය එකිනෙකට වෙනස් විය හැක.  බොහෝ විට මෙය ප්ලාස්ටික් වලින් සාදා ඇති අතර, එය කොණ්ඩ කටුවක හෝ රෙදි අමුණන කටුවකට සමාන හැඩයක් ගනී.  තවද, එහි එතරම් තියුණු නැති දත් ඇත.  ඒවා ඇත්තේ, එය මස් වැදැල්ලට ඇමිණූ විට, එකිනෙකට හොඳින් හිරවී සිටීමටයි.  එය සාදා ඇත්තේ විෂ නැති ද්‍රව්‍යයකින් සහ හොඳින් එකිනෙක සවිවන සේ තැනූ ස්ථිර අගුලක් ද සහිතවය.

මෙම උපකරණය සම්බන්ධ කල විට විශේෂ පරෙස්සමක් දැරිය යුතුද ?

ප්‍රධාන වශයෙන් විෂ බීජ වලින් ආරක්ෂා කර ගත යුතුය.  ශ්‍රී ලංකාවේ අලුතෙන් මව්වරුන් වූ කාන්තාවන්  දරුවාගේ නාභිය පරෙස්සම් කර ගත යුතු ආකාරය නොදනී.  පහත සඳහන් දේ ගැන අවධානය යොමු කරන්න .

• පෙකණිවැල පිරිසිදුව සහ වියලිව තබන්න
• බිලිඳාට අන්දවන රෙදි කඩ (නැප්කින් එක) මෙම පෙකණි වැලට පහලින් අන්දවන්න
• එම ස්ථානයට හොඳින් වාතය ලැබෙන්නට සලස්වන්න

පෙකණි වැලේ එම කොටස වියළී, බිලිඳාගේ ශරීරයෙන් වෙන් වී ඉවත් වූ පසු, එම ස්ථානයේ සුළු රුධිර වහනයක් ඔබට දැක ගත හැකි වේ.  මෙය සාමාන්‍ය දෙයකි.  සමහර විට රළු පටලයක් එම ස්ථානයේ ඉතිරි විය හැක.  එය උපද්‍රව රහිත පටලයක් වන අතර, එය ළමා විශේෂඥ මහතාට ඉවත් කළ හැකිය.

 එම ස්ථානයේ ඇති විය හැකි ආසාදන තත්ත්වය

ශ්‍රී ලංකාවේ කාන්තාවන් බබාගේ නාභියේ ඇති විය හැකි ආසාදන පිළිබඳව එතරම් දැනුවත් වී නොමැත.  සාමාන්‍යයෙන් ඇතිවිය හැකි රෝග ලක්ෂණ විය හැක්කේ :

• උණ ඇති වීම
• එම ස්ථානය ඉඳිමීම, රතු වීම සහ රත් වීම සිදුවිය හැක
• එම ස්ථානය සැර ගන්ධයකින් යුක්ත විය හැක
• රුධිර වහනය දිගටම සිදු විය හැක
• එම ස්ථානය තුනී වී සියුම් බවක් අතට දැනිය හැක

බිලිඳා මවගේ ගර්භය තුල වැඩීමේදී පෙකණිවැලේ ක්‍රියාකාරිත්වය

ගර්භය තුල බිලිඳා ක්‍රමයෙන් වැඩීමේදී, මෙය දරුවාගේ නාභිය තුලින් වැඩී මවගේ වැදාමහට සම්බන්ධ වේ.   කිරි කැටියා මවගේ ගර්භයෙන් පිටතට එනවිට, මෙම පෙකණි වැලද ඔහු සමඟ එලියට එයි.  එය කැපූ විට, ටික දිනකින් එම කොටස  වියළී, ශරීරයෙන් ඉවත් වී යයි.  නමුත් සමහරුන්ගේ නාභිය එලියට පැන (outie)  තිබෙනු දැක ගත හැකිය.   මෙය කෙතෙක් කල් තිබේ දැ’යි කිව නොහැක.  සමහර විට මාස ගණනක් හෝ අවුරුදු ගණනක් විය හැක.  එය ක්‍රමයෙන් ඇතුලට (innie) යනු ඇත.  මෙය පිටතට පැන තිබීම   (අණ්ඩවාතය) යන තත්ත්වය විය හැකිය.  මෙය විය හැක්කේ බබාගේ නාභිය අසල ඇති පේශීවල දුර්වල භාවය නිසයි.  නමුත් මෙය ක්‍රමයෙන් ඇතුලට යාහැකිය.

පෙකණි වැල,  මවගේ සහ නොඉපදුන දරුවාගේ සම්බන්ධය  තහවුරු කරන “ජීව බන්ධනය” යනුවෙන් හැඳින් විය හැකිය.

#babyInthewomb #thelifecycleinthewomb #srilankababy #pregnancywomen #pregnancywomeninsrilanka

The post ගර්භය තුල ඇතිවන ජිවක්‍රියාවලිය appeared first on mummypages.lk-Pregnancy and Parenting.

නයනාගේ වයස අවුරුදු 40යි.  ඇගේ අළුත උපන් බබාට ඇත්තේ හොඳින් වැඩී නොමැති (විකෘති ) පාද සහ ඔහුට ආධාරකයක් නොමැතිව ඇවිදීමට අපහසුය.  නයනාගේ බලාපොරොතු සියල්ල බිඳ වැටී, ඇයට ජීවිතයේ  සත්‍යයට මුහුණ දීමට සිදු උනා.

ශ්‍රී ලංකාවේ දරුවන්ගේ ශාරීරක සහ අසාමාන්‍ය විකෘති දරු උපත්, එම දරුවන් බිහි වීමට පෙර සොයා ගැනීමේ ක්‍රම ඇත.

දරු උපතට පෙර සොයාගැනීම්

ජාන විකෘතිතාවය –   සහ සහජ විකෘතිතාවයන් දරු උපතට පෙර ස්කෑන් පරීක්ෂණ සහ රුධිර පරීක්ෂණ මගින් සොයා ගැනීමේ ක්‍රම දැන් ලංකාවේ ඇත.

දරු උපතට පෙර සොයාගැනීම්

ජාන විකෘතිතාවයන් – සහ සහජ විකෘතිතාවයන් දරු උපතට පෙර ස්කෑන් පරීක්ෂණ සහ රුධිර පරීක්ෂණ මගින් සොයා ගැනීමේ ක්‍රම දැන් ලංකාවේ ඇත.  එම දරුවන්ගේ අසාමාන්‍ය ලක්ෂණ සොයා ගැනීමට ඇත්නම්, ඒවා පිළිබඳ තව දුරටත් පරීක්ෂණ මෙහෙය වනු ලැබේ.  අසාමාන්‍ය දරු උපත් පිලිබඳ කළල අවස්ථාවේදීම සොයා බලනු ලැබේ.  amniocentesis –   සහ මොන්ගොල්භාවය Down Syndrome –   ස්නායු සම්බන්ධ විකෘති භාවයන් Neural Tube defects –   Tube defectසහ තැලමසු ග්‍රන්ථය ආශ්‍රිත විකෘති භාවයන් Thalassemia – http සහ කොඳු ඇට පෙළ සම්බන්ධ  ආබාධයන් මෙසේ සොයා ගන්නා නොයෙකුත් විකෘති භාවයන් වේ.

දරු උපතට පසු සොයාගැනීම්

දරු උපතේදි හෝ දරුවා ඉපදී මසක කාලයකදී දරුවාගේ විකෘතිස්වභාවයන් හඳුනා ගත හැක.   ස්කෑන් පරීක්ෂණය මගින් ශ්‍රී ලංකාවේ දරුවන්ගේ උපතෙන් පසු අසාමාන්‍යතාවයන් සොයා ගත හැක.  දරුවාගේ අංග චලන හැකියාව, ප්‍රතිරූපය සාමාන්‍ය ප්‍රතිචාර සහ බබාගේ වැඩීම පිළිබඳව මාසිකව විමර්ශනය කිරීමෙන් දරුවාගේ විකෘති ස්වභාවයන් නිරීක්ෂණය කළ හැක.

බබාලාගේ සාමාන්‍යයෙන් දක්නට ඇති විකෘති ස්වභාවයන් :

• නියමිත ලෙස වැඩී නොමැති ශාරීරික අවයවයන්
• (වෛද්‍ය විද්‍යාවේ) මොන්ගෝල්භාවය
• ස්නායු සම්බන්ධ විකෘතිභාවය
• තැලමසු ග්‍රන්ථිය ආශ්‍රිත විකෘති භාවයන්
• සහජ හදවත් රෝග
• මොළය සම්බන්ධ දුර්වලතා
• ඉගෙනීමේ දුර්වලතා
• කන් ඇසීමේ දුර්වලතා
• ඇස් පෙනීමේ දුර්වලතා
• විකෘති පාද
• ප්‍රජනක සහ මුත්‍ර මාර්ගයේ අසාමාන්‍යතාවයන්
• මොළය නියමිත පරිදි නොවැඩීමේ විකෘති ස්වභාවය
• මොළයේ හෝ ස්නායු මාර්ගයේ විකෘති භාවයන් සහ/හෝ ඒවායේ ආරක්ෂක ආවරණයන්හි ඇති විෂමතා
• ශාරීරික හෝ මානසික විකෘතිතාවයන් – මෙම විකෘති භාවය ඇතිවන්නේ කළල අවස්ථාවේදී මව අධික ලෙස මත්පැන් පානය කිරීම හේතුවෙනි – මෙය ශ්‍රී ලංකාවේ  එතරම් ව්‍යාප්ත වූ විකෘති තත්ත්වයක් නොවේ.

අසාමාන්‍යතාවයන් ඇති බබාලාව බලා ගැනීම

ශ්‍රී ලංකාවේ ඉහත සඳහන් අසාමාන්‍ය තත්ත්වයන් ඇති බබාලා ඇති මව්වරුන් සෞඛ්‍ය වේදීන් සමඟ සාකච්ඡා කර, ඔවුන් හරහා තම දරුවන්ගේ ඇති අසාත්මිකතාවයන් විනිශ්චය කර, ඒ සඳහා ලබා දිය යුතු නියමිත ප්‍රතිකාර පිලිබඳ සැළකිලිමත් විය යුතුයි.

ගත යුතු ක්‍රියා මාර්ගයන් :

• ඔබේ දරුවාගේ විකෘති සවභාවය පිළිබඳ පර්යේෂණ ආයතන විශේෂ සැළකිල්ලක් දක්වනු ලැබේ
• බබාගේ රෝගය පිලිබඳ ඇති පොත් කියවා, ප්‍රශ්න අසා සහ අන්තර් ජාලයෙන් ඒ පිලිබඳ හොඳින් දැනුවත් වන්න.
• ඔබේ චිත්ත ආවේග වලින් මිදී, හොඳින් ශක්තිමත් වන්න. ඔබේ බබාට ගොඩක් ආදරය සහ සැළකිල්ල අවශ්‍ය වේ.
• උපදේශකයන්ගේ සහය පතන්න. ඔවුන් ඔබේ බබාගේ අසාමාන්‍යතාවය පිලිබඳ සහ එයට අනුරූපව ඔබ කෙසේ හැඩ ගැසිය යුතුදැ’යි ඔබව දැනුවත් කරාවි.
• යහළුවන්ගෙන් සහ පවුලේ සාමාජිකයන්ගේ උපකාර ලබා ගන්න
• බබාට සාමාන්‍ය පරිසරයක් නිර්මාණය කරන්න
• බබාගේ සහෝදර සහෝදරියන් මේ පිලිබඳ දැනුවත් කර, ඔවුන්ගේ බිය පහ කරන්න. බබා සමඟ බැඳීමක් ඇති කරවන්න.
• මෙම අසාමාන්‍ය තත්වයන් ඇති බබාලාටත් අනෙක් සාමාන්‍ය දරුවන්ට අවශ්‍ය ආදරය, සැළකිල්ල සහ මිත්‍රශීලී භාවය අවශ්‍ය බව මතක තබා ගන්න.
• පරණ කතා වලට ඇහුම්කන් දෙන්න එපා

ශ්‍රී ලංකාවේ මේ හා සම්බන්ධව ඇති පහසුකම්

ලෝක සෞඛ්‍ය සංවිධානය WHO –  අසාමාන්‍ය දරු උපත් පිලිබඳව දෙමව්පියන් වෙනුවෙන් බොහෝ වැඩ මුළු සංවිධානය කර ඇත.

(වෛද්‍ය විද්‍යාවේ) අංගවිකලභාවය Down Syndrome – ළමුන්ට උදවු කිරීම සඳහා ශ්‍රී ලංකාවේ බොහෝ පාසැල්  සහ පුද්ගලික ගුරුවරුන් ඇත.

සහජ හෘද අබාධ සහ  ප්‍රජනක හෝ මුත්‍ර මාර්ගයේ ඇති විකෘති ස්වභාවයන් පිළිබඳ ඉතා හොඳ සැළකිල්ලක් රජයේ සහ පුද්ගලික රෝහල් වලින් දැන් ලබා දෙනු  ඇත. නොයෙකුත් ශල්‍යකර්ම මාර්ගයෙන් නැවත යථා තත්වයට පත් කර ගත හැකිය.  ලංකාවේ මේ හා සම්බන්ධව ඇති පහසුකම්

අවදානම පිළිබඳ දැනුවත් වන්න

අසාමාන්‍ය දරු උපත් සම්බන්ධයෙන් ඇති අවදානම පිලිබඳ,  ගැබ් ගැනීමකට ලැහැස්ති වන දෙමව්පියන් වෛද්‍යවරයා සමඟ කතා කරන්න.  ශ්‍රී ලංකාවේ අසාමාන්‍ය දරු උපත් වැඩි වෙමින් පවතී.  එමනිසා පහත සඳහන් කරුණු පිලිබඳ වැඩි අවධානය යොමු කළ යුතු වේ.

• වයස වැඩි වීම
• පවුලේ පාරම්පරිකව පැවතෙන ජාන විෂමතා
• කළින් දරුවන්ගේ ඇති අසාමාන්‍ය ලක්ෂණ
• අනිසි පැවතුම්
• සැර බෙහෙත් වර්ග පාවිච්චිය

ඔබේ සහ පවුලේ ඇති සියළුම ආකූලත්වයන් පිලිබඳ ඔබේ වෛද්‍යවරයාට දන්වන්න.  එවිට නිසි  පරීක්ෂණ මගින් ඔබ අසාමාන්‍ය දරු උපතකට අවදානමක් තිබේදැ’යි දැන ගත හැකිය.  එසේනම්, ශ්‍රී ලංකාවේ දැනට ඇති නොයෙකුත් දරු උපත් ක්‍රම භාවිතා කළ හැකිය.

ඔබ ගර්භනී වීමට බලාපොරොත්තුවක් ඇත්නම්, ඔබේ තවමත් උපත ලබා නැති දරුවාගේ සෞඛ්‍ය සම්පන්න බව පිලිබඳ වැඩි අවධානයක් යොමු කරන්න.

#earlychildhoodbirths #downsyndrome #takecareoftheunusualbabies

The post අස්වාභාවික දරුවන් හදා වඩා ගැනීම. appeared first on mummypages.lk-Pregnancy and Parenting.

ගර්භනී කාලය පුරාවටම ඔබට නොයෙකුත් පරීක්ෂාවන් සහ පරීක්ෂණ සිදු කරයි. එමගින් ඔබෙත් දරුවාගේත් සෞඛ්‍යය සහ දරුවාගේ වර්ධනය පිළිබඳව දැන ගැනීමට හැකියාව ඇත.

මෙම පරීක්ෂණ වලින් ඔබට අවධානම් තත්වයන් අඩු කලත් ඒ සියල්ල ඔබට කිරීමට අවශ්‍ය  වන්නේ නෑ. මෙම පරීක්ෂණ සිදු කිරීමේ අරමුණ, වාසි, අතුරු අවධානම් හා වැයවන මුදල පිලිබදව ඔබට දැනුමක් තිබීම එය කිරීමට අවශ්‍ය  ද නැද්ද තීරණය කිරීමට වැදගත් වනවා. මෙම තීරණ ගැනීමේදී ඔබේ වෛද්‍යවරයාගෙන් ඒ පිළිබඳව විමසා උපදෙස් ලබා ගන්න.

උස සහ බර මැනීම

අරමුණ : ප්‍රථමයෙන්ම ඔබේ ශරීර ස්කන්ධ දර්ශකය මැන බලයි. මෙමගින් කාන්තාව අධි බර තත්වයක් ඇත්නම් ඔවුන් ගර්භනී කාලය තුලදී මුහුණ පෑමට සිදුවන සංකුලතා අතර අධි රුධිර පීඩනය, දියවැඩියාව සඳහා අවධානම් මට්ටමේ පසුවන බව කල්තියාම දැන ගැනීමට හැකියාව ලැබේ. අනෙක් අතට ශරීර ස්කන්ධ දර්ශකය අඩු (<18) කාන්තාවන්ට දරුවගේ වර්ධනය නියාකාරව සිදු නොවේ. මේ නිසා අඩු බර දරුවන් ලැබීමට ඉඩ ඇත.

මුත්‍රා පරීක්ෂණ

අරමුණ :  ඇල්බියුමින් හා ප්‍රෝටීන් තිබේදැයි දන ගැනීමට ගර්භනී කාලය පුරවටම මුත්‍රා පරීක්ෂණ සිදු කරනු ලැබේ. ඔබට මුත්‍රා ආසාදනයක් තිබේ යයි මෙහිදී සොයා ගන්නට ලැබුනොත් ඒවාට ප්‍රතිකාර කිරීමද සිදුවේ. සමහර අවස්ථා වලදී මෙය ගර්භ වලිප්පුව  (pre eclampsia) ඇති වීමේ ලක්ෂණයක් විය හැකියි. (කලාතුරකින් ජීවිත අවධානමක් ඇති කිරීමට හැකියාව ඇත.)

රුධිර පීඩනය මැන බැලීම

අරමුණ :  රුධිර පීඩනය මැන බැලීම මුළු ගර්භනී අවදිය පුරාම සිදු කරයි. මෙහි වෙනස්කම් සිදුවේනම් එයින් වැටහෙන්නේ ඔබට ගර්භනී කාලයේ ඇති වන රුධිර පීඩනය හෝ වෙනත් අවදානය යොමු කලයුතු කාරණයක් තිබිය හැකි බවයි.

ලේ පරීක්ෂණ

අරමුණ : මෙම කාලය තුලදී විවිධ ලේ පරීක්ෂණ සිදු කරනු ලබනවා. සමහර ලේ පරීක්ෂණ සියලු ගර්භනී කාන්තාවන් සිදු කල යුතු අතර සමහර පරීක්ෂණ සිදුකරන්නේ විශේෂ රෝග තත්ව ඇති හෝ ගර්භනී කාලයට අදාල සංකූලතා ඇති මවුවරුන්ට පමණයි. මෙම පරීක්ෂණ පිළිබදව ඔබට ඇතිවන ගැටළු වෛද්‍යවරයා හෝ පවුල් සෞඛ්‍යය නිලධාරිනිය සමග සාකච්චා කරන්න. රුධිර සාම්පල ලබා ගන්නේ ඉතා ආරක්ෂාකාරීව පිරිසිදු ස්ථානයකයි. ලේ පරීක්ෂණයක් සිදු කිරීමේදී ඔබට හෝ දරුවට අවධානමක් නොමැත.

පහතින් දැක්වෙන්නේ  ඔබට සිදුකිරීමට ඇති මුලික ලේ පරීක්ෂණ කිහිපයක්

ලේ වර්ගය පරීක්ෂා කිරීම

අරමුණ  :  ඔබේ ලේ වර්ගය නිර්ණය කිරීමට ප්‍රධානම හේතුව වන්නේ ඔබට ප්‍රසවයෙදී අධික රුධිර වහනයක් සිදු වුවහොත් රුධිරය ලබාදීමට අවශ්‍ය වන නිසයි. එමෙන්ම රීසස් සාධකය ධන හෝ ඝෘණ බව දැනගනීමද පුර්වාරක්ෂක ක්‍රම භාවිතයට අවශ්‍ය වේ.

නිරක්තිය

අරමුණ : නිරක්තිය ඇති විට ඔබට සැමවිට වෙහස බවක්  ඇති කරන අතර ඔබට දරු ප්‍රසුතියේදී සිදුවන රුධිර වහනය දරා ගැනීමට අපහසුවේ. මෙම පරීක්ෂනයෙන් ලැබෙන ප්‍රතිපලවලට අනුව වෛද්‍යවරයා විසින් ඔබට අමතර යකඩ සහ විටමින් අවශ්‍ය ද යන්න තීරණය කරයි.

#Knowthetestsandteststobeperformedduringpregnancy? #duringpregnancy #Headachesduringpregnancy #pregnancycheckup

The post සිදු කිරීමට ඇති පරීක්ෂාවන් සහ පරීක්ෂණ ගැන ඔබත් දැනුවත් ද? appeared first on mummypages.lk-Pregnancy and Parenting.

අද ඕනෑ තරම් උපත් පාලන ක්‍රම ඇති බව ඔබ නොදන්නවා නොවේද?එම නිසා විවාහක කාන්තාවක් වශයෙන් ඒ පිළිබද අවදානය යොමුකළ යුතු නොවේද?

      පාසල් ළමුන් බොහෝ විට මේ තත්වයට යොමු වන්නේ ඔවුන්ට යම් අයකුගෙන් අපරාදයක් සිදුවූ විට හෝ තමන්ගේ නොදැනුවත් කමනිසා තරුණ තරුණියන් මේ ලිංගික ජීවිතය අත්හදා බැලීමට යාමයි.අද බොහෝ තරුණ පිරිස් ආලයෙන් අන්ධ වීමෙන් මේ අපරාදයට යොමුවෙති.නමුත් අවසානයේ සමාජයට මුහුණ දීමට නොහැකිව අසරණ වීම නිසා ගබ්සා කිරීමට යොමු වෙති.

සාපරාදී ගබ්සාවක හානිකර ප්‍රතිපල –

මෙහිදී සිදුවන්නේ මාස දෙකක් හො තුනක් වයස ඇති දරුවා බලෙන් ශරීරයෙන් ඉවතට ගැනීමයි .එහිදී එක එක උපකරණ බාවිතා කර දරුවා ඉවතට ගැනීම සිදු කරයි.මේ අවස්ථාවේදී අධික ලෙස රුධිරය වහනය වීම සිදුවේ.ඒ වගේම අභ්‍යන්තර අවයව වලටද හානි සිදුවේ.

සමහර අවස්ථා වල කම්පනය හෝ අසාදිත තත්වයන් මත මව මිය යාමට අවස්ථාව ද තිබේ.

ප්‍රජනන පද්ධතිය ආශ්‍රිත රෝග වලට ගොදුරු වේ.

නැවත දරුවන් බිහිකිරීමේ හැකියාව නැතිවීම.

ඔසප් වීම ඇන හිටීම හෝ අක්‍රමවත් වීම.

ගබ්සාවකට පසු මව මානසික රෝගියෙකු බවටද පත්විය හැක.

විශේෂයෙන් ඔබ ගබ්සාවක් සිදු කිරීමට පෙර මතක තබා ගතයුතු කරුණක් ඇත.එනම් ජීවත්ව සිටින මිනිසෙකුට කවුරුන් හෝ හිරිහැර කිරීමට සැරසෙනවිට ඔහු එයින් මිදී පලායාමට උත්සාහ ගනී නමුත් කුසතුල සිටින දරුවා කෙසේනම් බේරී පලායන්නද ?

“අනේ අසරණ අහිංසක කිරිකැටියා මරණයේ අනේක දුක්විද මරුමුවට පත්වේ.”

දැන් ඔබ ගබ්සාවක් යනු කුමක්ද?එයින් සිදුවන විපාක හා දුෂ්කරතා හොදින් අවබෝද කරගෙන ඇති බව මා දනිමි.කාන්තාවන් වන අප දරුවකු දරුවකු බිහිකිරීමේ වරය ලබා ඇත.එය අද නවීන තාක්ෂණයට වත් කල හැකි දෙයක් නොවේ.එම නිසා තරුණියක කාන්තාවක වශයෙන් ගබ්සාවක් කිරීමට ප්‍රථම දෙවරක් සිතන්න.මන්ද එයින් සිදුවන අනිසි ප්‍රතිපල ඔබ දන්නා බැවිනි.

යම් ලෙසකින් ඔබට දරුවා හදා ගැනීමට නොහැකිනම් අද දරුවන් නොමැතිව දුක්විදින දෙමාපියන් කොතෙකුත් සිටීද.එවන් අයෙකුට දරුවා බාර දෙන්න.එය මෙවැනි අපරාදයක් කරනවාට වඩා පුණ්‍ය කර්මයකි.

අවිවාහක තරුණියන්ද තාවකාලික සැපය පසුපස නොගොස් තමන්ට ගැලපෙන විවාහයක් නියමිත වයසේදී සිදුකර ගෙන සොදුරු ආදරයේ ආස්වාදය නිර්මාණය කරගැනීමට හැකි බව ඔවුන් මතක තබා ගත යුතුයි.

අපේ ඇති වැරදි වලට නොපිපුණු මල් කැකුලක් පොඩිකර ලන්නේ මන්ද?

#birthcontol #women #men #abortion

The post අද ඕනෑ තරම් උපත් පාලන ක්‍රම ඇති බව ඔබ නොදන්නවා නොවේද? appeared first on mummypages.lk-Pregnancy and Parenting.

ඔබ ප්‍රසව වේදනාවෙන් පෙළෙන විට සහ ප්‍රසූති අවස්ථාවේ දී, ඔබේ ලඟම ඥාතියෙක් ඔබ ළඟ සිටීම ඉතා හොඳ දෙයක්.  ඔබේ ප්‍රසූති කාලය පුරා, ඔබ ළඟ සිටිමින්, ඔබට සදාචාරාත්මක ලෙස උදව් කිරීම ඔවුන්ට ඔබ වෙනුවෙන් කළ හැකි විශාල පරිත්‍යාගයක් වෙනු ඇත.  උදාහරණයක් වශයෙන, ඔබේ සහකරු  හෝ වෙනත් ළඟම යහළුවෙක් හෝ ඥාතියෙක් මේ සඳහා සුදුසු වේ.  බබාගේ පියා, බබා උපදින විට ඔබ ළඟ සිටීමෙන්, බබා සහ ඔහුගේ/ඇයගේ තාත්තා අතර ඇති බැඳීම මුල සිටම ඉතා දැඩි එකක් වන බව නවතම වාර්ථා පෙන්වා දෙයි.

ඔබේ දරු ප්‍රසූතියට පෙර, ඔබ  ළඟ සිටීමට සුදුසුම තැනැත්තා පිළිබඳව සිතා බලා, ඔහු හෝ ඇය සමඟ ඔබේ දරු ප්‍රසූතිය පිලිබඳ සාකච්ඡා කරන්න.  ඔබ දරු ප්‍රසූතිය සඳහා තෝරා ගත් ස්ථානය සහ ඔබේ ප්‍රසූති වේදනාව අඩු කිරීම සඳහා ඔබ තෝරා ගත් නොයෙකුත් ක්‍රම සහ ප්‍රසූති ශීල්පීය ක්‍රමය (එනම් අඬු භාවිතයෙන්ද, නැතහොත් රික්ත ප්‍රසූතියක් – vacuum ද යන වග) පිළිබඳව ඔහුව හෝ ඇයව දැනුවත් කරන්න.  එවිට ඔවුන්ට ඔබට උදවු කළ හැක්කේ කුමන ආකාරයකින්දැ’යි කලින් වටහා ගත හැක.

ඔබේ ප්‍රසූති අවස්ථාවේ සහායකයාට පහත සඳහන් ක්‍රම මගින් ඔබට උදව් කළ හැක:

ඔබට ප්‍රසූති වේදනාව දැනීමට පටන් ගත් අවස්ථාවේ සිට ඔබ සමඟ සිටීමෙන් ඔබ දරු ප්‍රසූතිය සඳහා යන රෝහලට හෝ ප්‍රසූති මධස්ථානය වෙත යනවිට, එහි රැගෙන යාමට අවශ්‍ය ද්‍රව්‍ය ලක ලැහැස්ති කර ගැනීමට ඔබේ මුහුණ පිසදා ගැනීම සඳහා තෙත තුවායක් හෝ ස්පොන්ච් එකක් ලබා දීමෙන් ඔබේ  ශරීරය විජලනයෙන් වැළැක්වීම  සඳහා  වරින් වර ඔබට වතුර බීමට දීමෙන් වේදනාව අඩු කිරීම සඳහා ඔබේ පිට කොන්ද මෘදු ලෙස පිරිමැදීමෙන්, ඔබට එහා මෙහා ඇවිදීමට උදව් වීමෙන් සහ ඔබව පහසු ආකාරයකට තැබීමෙන් දරු ප්‍රසූති අවස්ථාවේදී, එක් එක් අවස්ථාවලදී ඔබව දිරිමත් කිරීමෙන් වේදනාව අඩු කිරීමට ඔබ පිලිපඳින ක්‍රම සඳහා උපකාර කිරීමෙන් ඔබගේ අවශ්‍යතාවයන්, ඔබේ වෛද්‍යවරයාට හෝ වින්නඹු මාතාවට දැනුම් දීමෙන්  ඔබ දරු ප්‍රසූති අවස්ථාවේදී, ආශ්වාස ප්‍රශ්වාස ක්‍රම සහ සංසුන්  වීමට පිලිපැඳිය  යුතු ක්‍රියා මාර්ගයන් ඔබට මතක් කර දීමෙන්  ඔබට දරු ප්‍රසූතියේදී දැනගත නොහැකි කරුණු – එනම් අනිත් පැත්තේ හෙවත් බබාගේ චලනයන් ආදිය පිළිබඳව ඔබව දැනුවත් කිරීමෙන්

#pregnancytime #pragnancymother #pregnancywomen #pregnancymotherinsrilanka#

The post ගර්භණි අවධියේද දී, ඔබේ සහකරුට ඔබට ලබාදිය හැකි උදව් appeared first on mummypages.lk-Pregnancy and Parenting.

රැකියාවට යන මවක් ගර්භනී තත්වයට පත්වූ පසුවත් රැකියාවකට යායුතුයි. මන්ද අද පවතින ආර්ථිකයත් සමගම දෙදෙනාම රැකියාවක් කල යුතු බැවිනි. නමුත් සමහර මව්වරුන් දරුවෙකු පිළිසිද ගත් පසු රැකියාවෙන් ඉවත්වන අවස්ථාද ඇත. කෙසේවෙතත් ගර්භනී සමයේ රැකියාවට යන මවක් මුහුණ දෙන පාද ආශ්‍රිත ප්‍රධාන ගැටලු වන්නේ

• පාද ඉදිමීම
• යටිපතුලේ වේදනාව
• නහර ගැට ගැසීම

මේවා ගර්භනී සමයේ ඇති වුවත් ප්‍රසුතියෙන් පසුව සාමාන්‍ය තත්වයට පත්විය හැකිය. නමුත් අද අප රටේ මවුවරුන් රැකියාවට යාමේදී භාවිතා කරන්නේ සාමාන්‍ය කාන්තාවක් භාවිතා කරන පාවහන්මයි. සමහරුන් උසින් වැඩි පාවහන් පලදී. නමුත් ගර්භනී සමයේ තමාගේ මෙන්ම තම කුස තුල වැඩෙන දරුවාගේ ආරක්ෂාව ද සිතිය යුතුයි. එම නිසා උසින් වැඩි පාවහන් පැළඳිම අවදානම් සහිත හා නොකළ යුතු දෙයකි.

විදේශ රටවලනම් මේ කාලයේදී භාවිතා කල හැකි පාවහන් වර්ගයක් හදුන්වා දී තිබේ. එම පාවහන් නිෂ්පාදනය කරන්නේ ස්පැනිෂ් රටේය. එහි ඇති විශේෂත්වය නම්,

• එහි ඇතුලත පතුල නිර්මාණය කර ඇත්තේ කෝමාරිකා පට්ටයෙනි. එයින් පාදවලට සිසිලසක් ගෙනදෙයි.
• එයට උඩින් දමා ඇති අවරණයද ඉතා මෘදු කපු රෙදි වර්ගයකි.
• අනිත් කරුණ වන්නේ මෙහි ඇති හැඩය, එයින් පාදවලට විශාල පහසුවක් ඇති අතර, පාවහන් යුගලක් පැළද සිටිනවාද කියාවත් ඔබට නොදැනෙනු ඇත.

එම හේතුන් නිසා ඉහත මා සදහන් කල පාදයේ අපහසුතා බොහෝ පාලනය කරගත හැක. එයින් හිටගෙන සිටීම, ඇවිදීම ඔබට ඉතා පහසු කාර්යයක් වනු ඇත.

මෙම පාවහන් යුගල අපේ රටේ මව්වරුන්ටත් හදුන්වා දීමට  පාවහන් නිශ්පාදන කරන  ආයතන කටයුතු කරගෙන යන අතර එය ඔබට සුභ දායක ආරංචියක් වනු නොවනුමානය.

• මෙය වර්ණ පහකින් ඔබට මිලදී ගත හැක.
• තවත් වැදගත් කරුණක් නම් මෙම පාවහන් මිලදී ගැනීමේදී ඔබ එදිනෙදා භාවිතා කරන ප්‍රමාණයට වඩා වැඩි පාවහන් යුගලක් තෝරා ගත යුතුයි.

ඔබත් මෙය පාවිච්චි කර වෙනස අත්විදින්න. ගර්භනී සමයෙන් පසුවද භාවිතා කල හැකියි.

සුමුදු වලා රොදක් මත ඇවිද යනවාවැනි හැගීමක් ඔබට දැනෙනු ඇත.

#pregnancy #pregnancycare #pregnancywomen #pregnancytime #pregnancypain

The post ඔබත් රැකියාවට යන මවක් ගර්භනී මවක්ද ? appeared first on mummypages.lk-Pregnancy and Parenting.

ඔබේ ගර්භයේ සිටියදීම ඔබේ බබා ඉගෙන ගැනීමට පටන් ගන්නා බව ඔබ දන්නවාද?

මෙම අවස්ථාවේදී ඔබේ බබාගේ දැනීමේ ශක්තිය අවට පරිසරයේ ඇති උත්තේජක වලට ප්‍රතික්‍රියා දක්වන්නට පටන් ගනී.

බබා ගර්භයේ සිටින විට,

මුලින්ම දැනීම ඇති වන්නේ ශබ්ද සඳහා වූවත්, ස්පර්ශය,  රසය ආදියද පිටත ලෝකයෙන් ලැබෙද්දී, ඔහුගේ/ඇයගේ මොළය වැඩීමට පටන් ගනී.

බබාට සති 15ක් වනවිට

 ස්පර්ශයට ග්‍රහණය වන අතර, ඔහුගේ/ඇයගේ නාසය සහ රසය දැනීමේ ඉන්ද්‍රියන් වර්ධනය වීමට පටන් ගනී. විවිධ රස සහ සුවඳවත් ආහාර වැළඳීමෙන් බබාගේ රස සම්බන්ධ ස්නායු අවදි කරන්න.

ස්පර්ශයෙන් ඔබේ බබාව උත්තේජනය කරන්න

ඔබේ බබා ගර්භය තුළ එහා මෙහා වන බව දැනෙන විට, බබාව සෙනෙහසින් ස්පර්ශ කරන්න. මෙම ස්පර්ශය ඔබේ බබාව උද්දීපනය කරයි.

කළලයට සති 25ක් වනවිට

ඔබේ බබා පැහැදිළිව ඔබේ කටහඬ ඇසීමටත්, සති 27 වනවිට, දෙමව්පියන්ගේ කටහඬවල් හඳුනා ගැනීමටත් හැකියාව ඇත.

.පොත්පත් කියවන්න, සිංදු කියන්න: ඔබේ තවමත් නූපන් බබාට වචන වටහා ගත නොහැකි වුවත්, නිරතුරුව එක පිළිවෙලට ශබ්ද ඇසීමෙන්, ඒවා හඳුනා ගත හැකිය.  තවද මෘදු සංගීතය වාදනය කරන්න:  මෙයට බබා ධනාත්මකව ප්‍රතික්‍රියා කරන බව අධ්‍යනය කර ඇත

හොඳින් විවේක ගන්න, මානසික සංසුන්තාවයෙන් යුක්ත වන්න, ගර්භනී අවස්ථාවේ ලබා දෙන විටමින් පිළිවෙලට ගන්න, ඒවගේම සෞඛ්‍යට හිතකර සමතුලිත ආහාර පරිබෝජනය කරන්න.  මේ සෑම දෙයක්ම බබාගේ නීරෝගී භාවයත්, මානසික වර්ධනයත්, ඉගෙන ගැනීමේ හැකියාවත් පසුව බබාට ලබා දෙනු ලැබේ.

#duringpregnancy #pregnancy #learningwhileinthewomb ##babyandmotherrelationship

 මෙහි අඩංගු සියලුම ලිපි වල සම්පුර්ණ අයිතිය  මමිපේජස්  සතු වන අතර මෙය උපුටා වෙනත් වෙබ් අඩවි වල පල කිරිම දඩුවම් ලැබිය හැකි වරදක් බව මෙයින් දැනුම් දෙමු

The post ගර්භය තුළ සිටියදී ඉගෙනීම appeared first on mummypages.lk-Pregnancy and Parenting.

ගැබිණි කාන්තාවක් නිදාගැනීමේදී ඇලයට හැරී නිදාගැනීම ගැබිණි මවටත් දරුවාටත් දෙදෙනාටම යහපත්වේ.මෙයින්ද වම් ඇලය වඩා යෝග්‍යය බව වෛද්‍ය  මතයයි.

උඩු අතට නිදාගැනීම ගර්භණී කාලයේදී සුදුසු නොවන්නේ ඇයි ?

උඩු අතට නිදාගැනීමේදී ගර්භාෂයතුල වැඩෙනා දරුවාගේ බර නිසා ගර්භාෂයට පිටුපසින් ඇති අපර මහා ශිරාව හා මහා ධමනිය වැනි ප්‍රධානතම රුධිර වාහිනී තෙරපීමකට ලක්වේ.එම නිසා හර්දයේ සිට හා හර්දය වෙත රුධිර ගමනා ගමනයට බාධා ඇතිවේ.එය මවගේ රුධිර පීඩන පහත වැටීමට හේතුවක්වේ.පෙකණි වැල හරහා දරුවා වෙත රුධිර සංසරණයට බාධා ඇතිවේ.දරුවාට පෝෂණය ලබාගැනීමට බාධා ඇතිවේ.

තවද මව උඩු අතට සිටීමෙන් රුධිර වාහිනී තෙරපීම නිසා දෙපාවල සිට රුධිරය හෘදය වෙත ගමන් කිරීමට බාධා ඇතිවී දෙපා ඉදිමීමට ලක්වේ.එසේම මවට හුස්ම ගැනීමේ අපහසුතා ඇතිවිය හැක.තවද ගර්භාෂයට පිටුපසින් ඇති මාංශ පේෂී තදවීමෙන් වේදනාද,අනෙකුත් රුධිර වාහිනී සහ බඩවැල් තෙරපීමෙන් අර්ශස් හා වෙනත් අපහසුතා බොහොමයක් ඇතිවේ.

එමනිසා හැකිතාක් ඇලයට හැරී නිදාගන්න.හැකිතාක් වම් ඇලයට ඉන්න.නමුත් බොහෝ වේලාවක් වම් ඇලයට සිට අපහසුනම් දකුණු ඇලයට හැරෙන්න.නමුත් උඩු අතට සිටීමෙන් වලකින්න.විශේෂයෙන්ම ගර්භණී සමයේ අවසන් කාලයේ මේ පිලිබඳ අවධානය යොමු කරන්න

#healthywomen #pragnancymother #pregnancyfood #pregnancymotherinsrilanka  #pregnancytime #pregnancywomen #mathercare

The post උඩු අතට නිදාගැනීම ගර්භණී කාලයේදී සුදුසු නොවන්නේ ඇයි ? appeared first on mummypages.lk-Pregnancy and Parenting.

ඔබ ගර්භනී අවස්ථාවේ සිටින විට රැකියාවක නියුතු වීම

බොහෝ ගර්භනී කාන්තාවන්, ඔවුන්ගේ ගර්භනී කාලය පුරා රැකියාවල නියුතු   වේ.   ඔබට යම්කිසි ආකූල තත්ත්වයක් නිසා නිවසේ විවේකීව සිටීමට උපදෙස් දී නැත්නම් හෝ ඔබේ රැකියාව ඔබේ බබාගේ සෞඛ්‍යයට තර්ජනයක් නොමැති නම්, ඔබ ගර්භනී අවස්ථාවේදී රැකියාවක නියුතු වීම සාමාන්‍ය දෙයකි.  පහත සඳහන් අවදානම් තත්ත්වයන්ගෙන් යුත් රැකියාවක ඔබ නියුතු වන්නේ නම්, ඔබ ඔබේ රැකියා ස්ථානයේ ප්‍රධානියා සමඟ මේ සම්බන්ධව සාකච්ඡා කර, ඔබේ වගකීම් පිළිබඳව වෙනත් විකල්ප මාර්ගයන් සඳහා පිළිවෙළක් ඇති කර ගත යුතුය.

• බරින් වැඩි ද්‍රව්‍ය ඉසිලීමට තිබේ නම්
• බොහෝ වෙලාවක් හිටගෙන හෝ හිඳගෙන සිටිමට සිදු වේ නම්
• දවස තුල දීර්ඝ කාලයක් රැකියාවේ යෙදී සිටීමට සිදු වේ නම් (සාමාන්‍යයෙන් පැය 8 – 9 කට වැඩි කාලයක්)
• රසායනික ද්‍රව්‍යවලට නිරාවරණය වීම සිදු වේ නම්
• නිරතුරුව රැකියාව හා සම්බන්ධ වෙහෙසකාරී ආතතියකින් පෙළීමට සිදු වේ නම්
• නිරතුරුව දිගු ගමන් යාමට සිදුවේ නම්

ඔබේ වෛද්‍යවරයා හෝ වින්නඹු මාතාව සමඟ ඔබේ රැකියාවේ ඇති ප්‍රකෘති ස්වභාවය පිලිබඳව පවසා, ඒවායින් ඔබේ බබාගේ සෞඛ්‍ය කෙරෙහි  යම්කිසි අයුරකින් බලපෑම් ඇතිවේදැ’යි  දැනගන්න.  එසේ යම් අවධානමක් ඔබේ බබාට බලපායි නම්, ඔබේ සේවායෝජකයා ඔබට දැනට හිමි සියළු නියමයන් සහ කොන්දේසි සහිතව ඔබේ රැකියාව හා සමානම වෙනත් විකල්ප කටයුත්තක් පැවරිය යුතුය.  එසේ නොමැති නම්, ඔබට පඩි සහිත නිවාඩු ලබා දිය යුතු අතර, එම නිවාඩු ඔබට බබා ලැබුණු පසු ලබා දෙනු ලබන මාතෘත්ව නිවාඩු වලින් අඩු කළ නොහැක.  (මේ සම්බන්ධයෙන් ශ්‍රී ලංකාවේ පැවතෙන නීති මාලාව පරීක්ෂා කරන්න.)

ගර්භනී කාලය  තුල ඔබේ රැකියා කටයුතු පාලනය කිරීම

ඔබ නිරතුරුව මේ කාලය තුල වෙහෙසට පත් වන අතර, ඔබ රැකියාවේ නියුතු වන අතරතුර වැඩි විවේකයක් අවශ්‍ය වේ.  ඔබේ සේවායෝජකයා ඔබට යම් නම්‍යසුළු විසඳුම් ලබා දෙනු ලැබේ.  උදාහරණයක් වශයෙන්, දිනපතා වාහන ගමනාගමනය ඉතා උස් මට්ටමක පැවතෙන කාලය තුල, ඔබ ඉතා විඩාවට පත්වන බැවින්, ඔබට පහසුවෙන් ගමන් කළ හැකි කාල වේලාවක් ඒ වෙනුවට ලබා දෙන ලෙස හෝ, ඔබ මාතෘත්ව නිවාඩුවෙන් පසු රැකියාවට පැමිණි පසු ඒ වෙනුවට වැඩ කිරීමට හැකිදැ’යි ඔබේ සේවායෝජකයාගෙන් අසන්න.  තවද, ඔබේ වැඩ වලින් කොටසක් නිවසේදී නිම කිරීමට හැකිදැ’යි ඔබට ඔබේ ප්‍රධානියාගෙන් විමසිය හැකිය.

ඔබ ගර්භනී අවස්ථාවේ සිටින අවධියේ, රැකියා කටයුතු සහ නිවසේ එදිනෙදා කටයුතු එකවර කිරීම ඉතා අපහසු කාර්යයකි.  ඔබේ සහකරු, ඔබට තවත් දරුවන් සිටී නම්, ඔවුන්ද, ඔබේ පවුලේ අනිකුත් සාමාජිකයින්ද ඔබේ නිවසේ වැඩ කටයුතු කිරීම සඳහා උදව් කරගන්න.  ගර්භනී අවස්ථාවේදී, නිවසේ ඇති බාහිර සහ  අනවශ්‍ය කටයුතු වලින් මඳක් බැහැරව සිටින්න.  ඔබ රැකියා ස්ථානයෙන් නිවසට පැමිණි විට, ඔබ වෙනුවෙන් සහ ඔබේ බබා වෙනුවෙන් මඳක් විවේකීව සිටින්න.

 #pregnancy #pregnancycare #pregnancywomen #pregnancytime #pregnancypain #officetime #pregnancyarticleinsrilanka #mothercare 

The post ඔබ රැකියාව කරන විට ඔබේ සෞඛ්යෙ සුරැකීම appeared first on mummypages.lk-Pregnancy and Parenting.

සිසේරියන් සැත්කමකින් දරුවෙක් ලැබීම ලේ දන් දෙන්න බාධාවක් නොවෙයි. දරුවා ලැබී අවුරුද්දක් ගිය පසු ලෙ දන් දෙන්න පුලුවන් .අපි දන්නවා කොහොමත් සැත්කමකට මුහුණ දුන් පසුත් කොහොමත් අවුරුද්දක කාලයක් සිටිය යුතු බව

ගර්භනී කාලයේදී නීරෝගී කාන්තාවන්ට වුනත් රුධිර පීඩනය , දියවැඩියාව ඇති වෙන්න පුලුවන් .. එම කාන්තාවන්ට ලේ දන් දීමට නොහැකිද ?

අපි දන්නවා නීරෝගී කාන්තාවකට ගර්භනී කාලයේදී ඇතිවන අධි රුධිර පීඩනය , දියවැඩියාව වැනි රෝග ඇතැම් විට ගර්භනී කාලය අවසන් වූ පසු එනම් දරු ප්‍රසූතියෙන් පසු නැතිවී යන බව.ත් ඇතැම් විට දරු ප්‍රසූතියෙන් පසුවද දිගටම පැවතිය හැකි බවත්.
දරු ප්‍රසූතියෙන් පසුව එම රෝග තත්ව නැතිවී යන කාන්තාවන්ට දරු ප්‍රසූතියෙන් අවුරුද්දකට පසුව රුධිරය දන් දෙන්න පුලුවන් කිසිම බධාබකින් තොරව.

නමුත් දරු ප්‍රසූතියෙන් පසුවත් එම රෝග තත්ව පවතින , දිගටම ප්‍රතිකාර තුල සිටින කාන්තාවන්ට රුධිරය දන් දෙන්න පුලුවන් ද යන්න තීරණය වන්නේ ඇය රෝගය හොදින් පාලනය කරගෙන සිටිනවාද, ප්‍රතිකාර නිසියාකාරව කරනවාද, එම රෝග තත්වයේ සන්කූලතා පැමිණ තිබෙනවාද හ එම මොහොතේ ඇයගේ සෞඛ්‍ය තත්වය පිලිබඳ පරීක්‍ෂා කිරීමෙන් අනතුරුව වේ.එම රෝගයන් ගෙන් පෙලුනත් ඉතා හොඳින් රෝගය පාලනය කරන හොද සෞඛ්‍ය තත්වයෙන් සිටීනම් ලේ දන් දිය හැකිය

ඔසප් සිදුවූ දිනයන් වල ලේ දන් දීමට හැකිද ?

ඔසප් සිදුවූ විට කාන්තාවන් ගේ රුධිර වහනය නිසා ඇතැම් කාන්තාවන් රක්තහීනතා තත්වයෙන් පෙලීමට පවා ඉඩ ඇත.. .
එසේම ඔසප් දිනවල යටි බඩ රිදීම , කොන්දේ වේදනාව , ශරීරික අප්‍රාණික භාවය වැනි තත්ව බොහෝ විට කාන්තාවන්ට ඇතිවිය හැක..
එවැනි කාන්තාවන් ඔසප් දිනවල රුධිරය දන් දුන්නහොත් පසුව ශරීරය තවත් දුර්වල විය හැකිය. .නමුත් සෞඛ්‍ය සම්පන්න , නීරෝගී රුධිරයේ හිමොග්ලොබින් මට්ටම හොදින් පවතින කාන්තාවන්ට ඔසප් දින වලද රුධිරය දන් දිය හැකිය .. නමුත් සියලුම කාන්තාවන් ඔසප් දිනවල රුධිරය දන් දීමෙන් වැලකී සිටිනවානම් වඩා යහපත් වේ. එ වෙනුවට ඔබ වෙනත් දිනයක් තෝරා ගැනීමෙන් ඔබට සිදුවිය හැකි අපහසුතා මග හරවා ගැනීමට මෙන්ම සාර්ථක රුධිර පරිත්‍යාගයකට යොමු වීමටද ඔබට හැකිවනු ඇත.

#duringpregnancy #pregnancy #pregnancycare #pregnancycheckup #pregnancypain #pregnancytime #pregnancytips #pregnantmother #pregnantwomen #mothercare #pregnancyarticleinsrilanka

The post සිසේරියන් සැත්කමකින් දරුවෙක් ලැබුනු කාන්තාවකට ලේ දන් දෙන්න පුලුවන් ද ? appeared first on mummypages.lk-Pregnancy and Parenting.

චාන්දනී තම විලාප දෙන බබාව අතට ගත්තේ අනෙක් පියයුරෙන් මවුකිරි දීමටයි. නමුත්, නැවත බබාට දීමට කිරි නොමැති බව ඇයට දැනුනා. ඇයට මහන්සි දැනුනා වගේමකලකිරීමක් ඇති උනා.  ළදරුවා බඩගින්නෙන් සහ තරහින් කෑ ගහනවා.  ඇගේ රාත්‍රී ආහාරය ගත්තේ නැති බව,  චාන්දනීට දැනුනේ ඇගේ උදරය කෑ ගසන බව දැනුන විටයි.

ගර්භනී භාවයට පසු ලබා ගන්නා ආහාර –  මෙය ඉතා වැදගත් කාරණාවකි. මව ආහාර ගැනීම අතපසු කළහොත්, දරුවාත් මවත් අසනීප වන බව මතක තබා ගන්න.

දරුවාට මව්කිරි දෙන විට පෝෂණය

ශ්‍රී ලංකාවේ කිරි දෙන මව්වරුන් තම බබාලාට කිරි දෙන කාලයේ, ඔවුන්ගේ ආහාර වේලට කැලරි ප්‍රමාණය වැඩි කර ගැනීම අත්‍යවශ්‍ය දෙයකි. මෙය බබාලාට හය මසක් ගතවන තෙක් ලැබෙන පලවෙනි සහ එකම පෝෂ්‍යදායක ආහාරයයි. දරුවාට ලැබෙන පෝෂණය මව ලබා ගන්නා  පෝෂණය  මත යැපේ.

කිරි දෙන මව්වරුන්ට පෝෂ්‍ය දායක ආහාර අත්‍යවශ්‍ය වන්නේ මන්ද?

• මෙම පෝෂණය මවට සහ බබාට බෙදා හැරේ
• බබාට දීමට කිරි නිෂ්පාදනයට සහ බබා බලා ගැනීමට අවශ්‍ය ශක්තිය මවට ලබා දෙයි
• බබාගේ ප්‍රතිශක්තිකරණය නියම ලෙසට වැඩීමට උපකාර වේ
• ගර්භනී කාලයේ සහ ඊට පසු මව ලබා ගන්නා පෝෂණය මත බබාට දෙන කිරි වල ප්‍රමාණය සහ පෝෂණය රඳා පවතී

ගර්භනී කාලයේ සාමාන්‍ය පෝෂ්‍යදායක ආහාර

එළවලු, පලතුරු, මාෂ භෝග, කොළ මැල්ලුම්, මාළු සහ මස් ආදී දෙයින් සමන්විත සමබර ආහාර වේලක්.

ඉහත සඳහන් ද්‍රව්‍ය වල  මවට අවශ්‍ය ප්‍රෝටීන්, මේධය, කාබෝහයිඩ්රේට්, ඔමේගා 3, ඛනිජ වර්ග සහ විටමින්  අවශ්‍ය ප්‍රමාණයට අඩංගු වේ. පලා වර්ග සහ පලතුරු ඔබේ ගෙවත්තේම වගා කර ගත හැකි බව මතක තබා ගන්න.

ශ්‍රී ලංකාවේ මාතෘත්වයෙන් පසු පෝෂණය – රතු බත්, කුඩා මාළු (කටු සහිත), මස්, මැල්ලුම්, පරිප්පු, එළවලු සහ පලතුරු වැඩි ප්‍රමාණයක් ආහාරයට ගැනීම අවශ්‍ය වේ.  මේ සෑම දෙයක්ම අපේ නිවර්තන දේශගුණික රටේ ඇති දේවල්ය.

හිතකර ආහාර රටාවක් අනුගමනය කරන්න – පෝෂණය පිලිබඳ වෛද්‍ය වරයෙක්ව හමුවී, මවට අවශ්‍ය පෝෂ්‍යදායක ආහාර වට්ටෝරුව පිලිබඳ දැනුවත් වන්න.  අවශ්‍ය කැලරි ප්‍රමාණය ඇතුළු පෝෂ්‍යදායක ආහාර  සහ වැඩි ප්‍රමාණයක් ජලය බීමට පුරුදු වන්න.

මඟ හරින්න – ශ්‍රී ලංකාවේ බබාලාට කිරි දෙන මව්වරුන් දුම් බීම, මත් ද්‍රව්‍ය පානය, කැෆේන් නම් රසායනය සහ සැර බෙහෙත් වර්ග පානය මඟ හරින්න. රසදිය රසායනය වැඩි ප්‍රමාණයක් ඇති මාළු කෑමට ගැනීමෙන් වළකින්න.  කුඩා කටු සහිත මාලු ඉතා අගනේය.  නොසෝදා ගන්නා එළවලු සහ පලතුරු වල නොයෙකුත් විෂබීජ තිබිය හැක.  එය මවගේත්, බබාගේත් සෞඛ්‍යයට අහිතකර වේ.  කල් ගත වූ (පරණ වූ) මාළු, හොඳින් නොතැම්බු සහ පරණ වූ බිත්තර, නියමිත අයුරින් ආරක්ෂා සහිතව නොතැබූ චීස් ආදී දේවල ක්ෂුද්‍ර ජීවීන් නිසා මවත් දරුවාත් රෝගීවිය හැක.

අතිරේක ආහාර –  ඔබ බෙහෙත් වර්ග, පුද්ගලික හෝ ආගමික හේතු නිසා,  ආහාර පිලිබඳ යම් සීමා පනවා ඇත්නම්, ඔබේ වෛද්‍යවරයා  හමුවී අතිරේක විටමිනයක් ලබා ගන්න  සහ කැල්සියම්මො ළයේ වැඩීමට ඉතා අත්‍යවශ්‍ය වේ.  ඉහත සඳහන් දේ බබාගේ ශරීරයේ ඇති නිෂ්පාදනය නොවෙන  බැවින්, මවගේ කිරි වලින් බබාට මේවා සැපයිය යුතු වේ.   ශරීරයේ අස්ථි වැඩීමට සහ ශක්තිමත් දත් සඳහා කැල්සියම් අත්‍යවශ්‍ය වේ.  තවද, මෙය කිරි නිෂ්පාදනය වීමට සහ මවගේ දිගු කාලීන නීරෝගීතාවයටද, රෝග වලින් ආරක්ෂා වීමටද, මෙය වැදගත් වේ Osteoporosis – http://en.wikipedia.org/wiki/Osteoporosis

බබා පිලිබඳ වැඩි අවධානයක් යොමු කිරීම නිසා, මව තමන්ගේ ශරීර සුඛතාවය පිලිබඳ වැඩි තැකීමක් නොරයි.  කෙසේ නමුත්, ඔබේ පෝෂ්‍යදායක ආහාර සහ නීරෝගිතාවය මත ඔබේ දරුවාගේ වැඩීම සිදුවෙන බව අමතක කරන්න එපා.

ඔබේ ශක්තිමත් භාවය නිසා, ඔබේ ශරීරයෙන් බබාට අවශ්‍ය කිරි නිරන්තරයෙන් නිපදවීම සිදුවීමත්, අසනීප වලින් වැළැක්වීමත් සඳහා පෝෂ්‍ය දායක ආහාරයක් ඉතා අවශ්‍යය.  ශ්‍රී ලංකාවේ මිළෙන් අධික අතිරේක ආහාර වර්ග වලට වඩා අපේ රටේ නිපදවෙන ආහාර වලින් කිරි දෙන මව්වරුන්ට අවශ්‍ය දේ ලබා ගත හැක.

#nutritionafterpregnancy #nutritionandpregnancy #nourishingwhenfeedingtothechild #normalnutritionalmealsofpregnancy

The post නීරෝගිමත් මවක් නීරෝගිමත් දරුවෙකු බිහි කරයි. appeared first on mummypages.lk-Pregnancy and Parenting.

ප්‍රශ්න වලින් තොර, සෞඛ්‍ය සම්පන්න ගර්භනී අවස්ථාවක් ගත කිරීම සඳහා, ශ්‍රී ලංකාවේ මව්වරුන් යම්කිසි අන්දමක කැපකිරීමක් කළ යුතු වේ.  ඒ සඳහා සමහර අහිතකර ආහාර වලින් වැළකිය යුතුය.  එය මවට සහ කළලයට  ආරක්ෂාව සපයනු ලැබේ.

ශ්‍රී ලාංකික ගර්භනී මව්වරුන් පහත සඳහන් ආහාර වර්ග වලින් වැළකීම බබාට සහ මවට ගුණදායකය.  Pregnant women – http://en.wikipedia.org/wiki/Pregnancy

• අන්නාසි – මෙහි ඇති බ්‍රෝමලින් එන්සයිමය නිසා ගැබ් ගෙල හා සම්බන්ධ මස්පිඬු ලිහිල් වීම නිසා දරු ප්‍රසූතිය ඉක්මන් වීම සිදුවිය හැක. මෙම හේතුව නිසා, ශ්‍රී ලාංකික මව්වරුන් ගර්භනී අවධිය පුරා අන්නාසි ආහාරයට ගැනීමෙන් වැළකීම යෝග්‍යය.

• ගස්ලබු – මෙම පලතුර ශ්‍රී ලාංකික ගර්භනී මව්වරුන්ට එතරම් ගුණදායක නොවේ. මෙම පලතුර ආහාරයට ගැනීමෙන් ගබ්සා වීම්  සිදුවීමට ඇති හැකියාව වැඩි බව ප්‍රචලිත කරුණකි.  abortifacient – http://en.wikipedia.org/wiki/Abortifacient  ස්වල්ප වශයෙන් ආහාරයට ගැනීම එතරම් අහිතකර නොවන නමුත්, එහි ක්ෂීරය විශාල වශයෙන් අන්තර්ගත වන හෙයින්, ගබ්සාවීම් සහ ප්‍රසූතිය ඉක්මන් වීමට ඉඩකඩ ඇත.  මෙම ක්ෂීරය යනු එන්සයිමයකි. එයින් ගර්භාෂය හැකිළීම ආදිය ඇති විය හැකිය.     uterine contractions – http://en.wikipedia.org/wiki/Uterine contraction.  එමනිසා ශ්‍රී ලාංකික මව්වරුන් මෙම පලතුර ආහාරයට ගැනීමෙන් වැළකීම බබාට සහ මවට ගුණදායකය.  Pregnancy – http://en.wikipedia.org/wiki/Pregnancy

• මාළු – වැඩි වශයෙන් රසදිය අඩංගු මාළු වර්ග ආහාරයට ගැනීමෙන් වළකින්න.  මෝර , තලපත්, කුම්බලාවා, බල, කෙලවල්ලා සහ ටින් මාළු ආහාරයට ගැනීමෙන් සම්පුර්ණයෙන් වළකින්න.  ජපන් ආහාරයක් වන සුෂී වැනි දේද, ආහාරයට ගැනීමෙන් වළකින්න.  මෙම ආහාරය පිළියෙළ කිරීමේදී, මාළු යොදා ගැනේ.

• හොඳින් පිස නොමැති මස් වර්ග – හොඳින් පිළියෙළ නොකළ මුහුදු ආහාර වන ඉස්සන්, කකුළුවන්, දැල්ලන් සහ මස් වර්ග වන හරක් මස්, කුකුළු මස් වැනිදේ ද, ආහාර සඳහා නුසුදුසුය. Toxoplasmosis – http://en.wikipedia.org/wiki/Toxoplasmosis සහ coliform bacteria – http://en.wikipedia.org/wiki/Coliform_bacteria සහ Salmonella  – http://en.wikipedua.org/wiki/Salmonella.  මස් වර්ග අනුභවයෙන් තොරවීමෙන් අනවශ්‍ය ආහාර විෂවීම්, රුධිර විෂවීම් ආදියෙන් වැළකී සෞඛ්‍ය සම්පන්නව සිටිය හැක.

• බිත්තර – හොඳින් නොපිසූ, අමු බිත්තර ආදියෙහිද බැක්ටීරියා ක්‍රියාකාරිත්වය ඇතිවිය හැකි බැවින්, අමු, හොඳින් නොපිසූ හෝ නරක් වූ බිත්තර ආහාරයට ගැනීම නුසුදුසුය.

• චීස් – නරක් වූ චීස් – Listeria – http://en.wikipedia.org/wiki/Listeria මෙම නරක් වූ චීස්වල බැක්ටීරියා ඇති බැවින් එමඟින් ගබ්සා වීම් සහ රුධිර විෂවීම් ඇතිවිය හැක. miscarriage – http://en.wikipedia.org/wiki/Miscarriage. ගර්භනී මව්වරුන්ට නුසුදුසු චීස් වනුයේ බ්‍රී (Brie), ෆෙටා (Feta), ගෝගොන්සලා (Gorgonzola), කැමෙම්බර්ට් (Camembert ) සහ රොක්ෆෝර්ට් (Roquefort) යනාදියයි.

• අර්ධ වශයෙන් විෂබීජ නැසූ කිරි – අර්ධ වශයෙන් විෂබීජ නැසූ කිරි වලද, නොමැරී පවතින නොයෙකුත් විෂ සහිත බැක්ටීරියා ඇති බැවින්, එම කිරි ගර්භනී මව්වරුන්ට පාවිච්චියට නුසුදුසුය.  නමුත්, හොඳින් විෂබීජ නැසූ කිරි ගර්භනී මව්වරුන්ට අත්‍යවශ්‍ය ආහාරයකි.  එයට හේතුව එහි වැඩි ප්‍රමාණයක් කැල්සියම් අන්තර්ගතවන හෙයිනි.

• මස් වලින් හැදූ තලප විශේෂ – සමහර ගර්භනී මව්වරුන්ට මේවා ආහාරයට ගැනීමට විශේෂ ආශාවක් ඇතිවේ. නමුත් මෙම ආහාර වර්ගවල නොයෙකුත් විෂ සහිත බැක්ටීරියා ඇති හෙයින්, මෙවැනි ආහාර වලින් ගර්භනී මව්වරුන් ඉවත් විය යුතුය.

• කැෆේන් අඩංගු ආහාර/දියර වර්ග – මේවා පරිභෝජනය කිරීමේදී සීමාව ඉක්මවා නොයා යුතුයි. විශේෂයෙන් කෝපි වැනි කැෆේන් අඩංගු ආහාර වර්ග, බීම වර්ග ආදියෙන් වැළකී සිටීම මවට සහ කළලයට ගුණදායකය. එයට හේතුව, කැෆේන් නිසා ගබ්සාවීම් ඇතිවිය හැකි බැවිනි.

• හොඳින් පිරිසිදු නොකළ එළවලු –  ඇත්තෙන්ම, ගර්භනී මව්වරුන්ට අත්‍යවශ්‍ය ආහාරයක් වනුයේ, නැවුම් එළවලු සහ මැල්ලුම් ආදියයි.  නමුත් ඒවා ආහාරයට පිළියෙළ කරගැනීමේදී හොඳින් සෝදා පිරිසිදු කිරීම අවැසි කාරණයකි. ඒවා සෑදෙන පසේ නොයකුත් විෂබීජ තිබිය හැකිය.  එමනිසා ඒවා හොඳින් පිරිසිදු කර ගත යුතුයි.  තවද, ගර්භනී මව්වරුන්  මුල් කාලය තුළ කතුරුමුරුංගා ආහාරයට නොගත යුතුයි.  Kathuru murunga – http://en.wikipedia.org/wiki/Sesbania _grandiflora.  මෙයද ගබ්සාවන්ට ඉවහල් විය හැකි පලා වර්ගයකි.

නීරෝගී ගර්භනී අවස්ථාවක් ගත කිරීමට නම් සමතුලිත ආහාර අත්‍යවශ්‍ය වේ.  කෙසේ නමුත්, නුසුදුසු  ආහාර වලින් වැළකී, සුදුසු ආහාර පමණක් ගැනීමට ගර්භනී මව්වරුන් වග බලා ගත යුතු වේ!

#pregnantmother #Pregnantwomen #pregnancywomen #pregnancytime #pregnancypain #pregnancymotherinsrilanka #pregnancymother #pregnancyfood# pregnancycheckup #Pregnancyfoodcare #pregnancyarticleinsrilanka #Pregnancy #Healthyfood

The post නීරෝගී ගර්භනී අවස්ථාවක් ගත කිරීමට අවශ්ය ආහාර රටාවක් appeared first on mummypages.lk-Pregnancy and Parenting.

වින්නඹු මාතාව යනු, ගර්භනී කාන්තාවන්ට ඔවුන්ගේ දරුවන් ලැබීමේදී නොමඳ සහයක් ලබා දෙන, ඉතා හොඳ වෘත්තීය පුහුණුවක් ලබා ගත් කාන්තාවකි.  වින්නඹු  මාතාවගේ ප්‍රධාන අරමුණ වන්නේ, ශ්‍රී ලාංකික  මව්වරුන්ගේ සහ දරුවන්ගේ මරණ සංඛ්‍යාව අඩු කරමින්, නවජ උපත් අඩු කරමින්, සුභදායක දරු උපතක් ලබා දීමට සහය ලබා දීමයි.

ශ්‍රී ලංකාවේ වින්නඹු මාතාවන්ගේ ප්‍රබේධ

 සංස්ථායික වින්නඹු මාතාවන් (Institutional Midwifes – IMs) හට රජයේ හෝ පෞද්ගලික වෛද්‍ය  ආයතනවල/රෝහල්වල රැකියාව කිරීම සඳහා සුදුසු  පුහුණු වීම් ලබාදෙනු ලැබේ.

රජයේ සෞඛ්‍ය වින්නඹු මාතාවන් (Public Health Midwifes – PHMs) – මෙම  වර්ගයේ වින්නඹු මාතාවන්ට ඔවුන්ට නිවෙස් වලට ගොස් ගර්භනී කාන්තාවන්ට අවශ්‍ය උපදෙස් දීම/සහය දීම සඳහා මනා පුහුණුවක් ලබා දෙනු ලැබේ.

සංස්ථායික වින්නඹු මාතාවන්ට අයත් රාජකාරිය

ශ්‍රී ලංකාවේ පවත්වා ගෙන යනු ලබන රෝහල් සහ වෛද්‍ය ආයතනයන්හි 2720 දෙනෙකුට වඩා වැඩි ප්‍රමාණයක් සංස්ථායික වින්නඹු මාතාවන් ලෙස රැකියාවේ නියුතු වන බැව් ළඟදී කළ සමීක්ෂණයකින් හෙළි වී ඇත.  මෙම වින්නඹු මාතාවන් රෝහල් වල සුතිකාගාරවල  සහ  ළදරුවන් (පෙර – නවජ සහ පසු – නවජ) රැක බලා ගන්නා කාමරවල/වාට්ටුවල/ වෛද්‍ය සායනවල රැකියාව කරති.

රජයේ සෞඛ්‍ය වින්නඹු මාතාවන්ට අයත් රාජකාරි

ශ්‍රී ලංකාවේ මෙම වින්නඹු මාතාවන් සාමාන්‍යයෙන් ඇත්තේ රෝගී කාන්තාවන් 5000 කට එක් අයෙකු වශයෙනි.  මෙම වින්නඹු කාන්තාවන් තම ප්‍රදේශයේම රාජකාරි කටයුතුවල  නිරතවන අතර, ගර්භනී කාන්තාවන්ට සහ බබා ලැබුණු පසුව ටික කාලයක් යනතුරු මව්වරුන්ට නොයෙකුත් උපදෙස් දීම සඳහා නිවෙස්වලට යනු ලැබේ.

ශ්‍රී ලංකාවේ සිටින වින්නඹු මාතාවන්ට පැවරී ඇති රාජකාරි

මෙම වින්නඹු මාතාවන් තම පළාතට අයත් ගම්වල ඇති නිවෙස්වලට ගොස්, එහි ජීවත් වන කාන්තාවන් ගර්භනී වූ පසුව, ඔවුන්ව ලියාපංදිචි කර, ඔවුන්ට අවශ්‍ය උපදෙස් දෙනු ලැබේ. නමුත් නගරබද ජීවත් වන බොහෝ කාන්තාවන් දරුවන් ලැබීමට පෙර පුද්ගලික ප්‍රසව/නාරී වෛද්‍යවරුන් වෙත යන අතර, දරුවන් ලැබුණු පසු පුද්ගලික ළමා  වෛද්‍යවරුන් වෙත යන බැවින් රජයේ වින්නඹු මාතාවන්ගෙන් උපකාර ගැනීමට ඉදිරිපත් නොවේ.

වින්නඹු මාතාවන්ගෙන් සිදුවන සේවය

 දරුවන් ලැබීමට පෙර

• එම ප්‍රදේශයේ වෙසෙන ගර්භනී කාන්තාවන් ලියා පදිංචි කරවීම.
• එම කාන්තාවන්ගේ ශරීර බර ප්‍රමාණය පරීක්ෂා කිරීම.
• නියමිත ශරීර බර ප්‍රමාණය තබා ගැනීමට අවශ්‍ය උපදෙස් දීම.
• එම කාන්තාවන්ගේ සාමාන්‍ය නීරෝගී භාවය පිළිබඳ විමසීම.
• දරුවා ලැබීමට පෙර මව්වරුන් ගත යුතු එන්නත් පිළිබඳව ගර්භනී කාන්තාවන් දැනුවත් කිරීම සහ ඔවුන්ට ප්‍රාදේශීය සායනයෙන් හෝ රෝහලෙන් එම එන්නත් ලබා ගැනීම සඳහා උපකාර කිරීම
• තවද, මාසික වෛද්‍ය පරීක්ෂණවලට යාමට උපදෙස් දීම
• සුදුසු ආහාර වට්ටෝරු ලබා දීම
• දරුවන් ප්‍රසූති කිරීමේදී ඇතිවන වේදනාව (විළිරුදාව) පිළිබඳ දැනුවත් කිරීම සහ ප්‍රසූති වේදනාව දැනෙන අයුරු පිළිබඳව දැනුවත් කිරීම
• නිවසේදී දරු උපත් සිදුවීමේදී ඒ සඳහා අවශ්‍ය සහය ලබා දීම

දරුවන් ලැබුණු පසු 

• බබා ලැබුණු පසු මවගේ සෞඛ්‍ය පිළිබඳ පරීක්ෂා කිරීම
• බබාගේ සෞඛ්‍ය සහ ශරීර බර පිළිබඳ පරීක්ෂා කිරීම
• බබාට එන්නත් ලබා දීම සඳහා කාඩ්පත් ලබා දීම
• බබාට නියමිත වෙලාවට එන්නත් ලබා දෙන්නේදැ’යි සොයා බැලීම
• බබාගේ වර්ධනය පිළිබඳ පරීක්ෂා කිරීම
• මව්කිරි ලබාදෙන මව්වරුන්ට නියමිත පෝෂ්‍යදායක ආහාර ලබා ගැනීම සඳහා උපදෙස් දීම
• මව්කිරි බීම නැවැත්වූ ළඳරුවන් සඳහා දියයුතු සමතුලිත ආහාර පිළිබඳ දැනුවත් කිරීම
• කාන්තාවන්ට පිළිපැදිය යුතු උපත් පාලන ක්‍රම පිළිබඳ උපදෙස් දීම
• අනවශ්‍ය දරු පිළිසිඳ ගැනීම් වැළක්වීමේ ක්‍රම පිළිබඳ කාන්තාවන් දැනුවත් කිරීම

වින්නඹු මාතාවගෙන් වන සේවය ඉතා අගය කළ යුතු අතර, ශ්‍රී ලංකාවේ වෙසෙන ගර්භනී  කාන්තාවන්ට සහ මව්වරුන්ට වින්නඹු මාතාවගෙන් සිදුවන මෙහෙය මිළ කළ නොහැක.

#midwife #srilankamidwife #midwifearticleinsrilanka #sinhalaarticleinsrilanka #sinhalaarticle #pregnancywomenandmidwife

The post ශ්‍රී ලංකාවේ වින්නඹු මාතාව appeared first on mummypages.lk-Pregnancy and Parenting.

දෙදෙනෙකුගේ ආදරයේ සංකේතයේ ලෙස සලකන්නේ දරුවන්වයි.නමුත් අද දරුවන් මෙලොව දැකීමටත් ප්‍රථම මරා දමන යුගයක් බවට පත්වී අවසානය.

එනම් මවු කුස තුලදීම එම දරුවා විනාශ කිරීම ගබ්සාවක් ලෙස හදුන්වයි.මෙය මිහිපිටම විපාක දෙන පාප කර්මයකි.

මන්ද මිහිපිට ජිවත් වන මනුෂයකු විනාශ කර දමනවා හා සමානම දෙයකි කුස තුල සිටින දරුවකු විනාශ කිරීමත්.නමුත් ඔබ සිතනවා ඇති මෙලොව එලිය නොදුටු අයකුගේ ජීවිතය විනාශ කිරීම පාපයක් නොවේ කියා.ඇයි ඔබ මදක් නොසිතන්නේ කුසතුල සිටින දරුවාටත් ජීවයක් ඇති බව.කුසතුල සිටින දරුවෙකුට පන නැතැයි කියා සිතනවාද ?එසේනම් දරුවකු කුසතුල වර්දනය වන්නේ කෙසේද?ඒ මේ අයුරිණි ….

ස්ත්‍රියකගේ හා පුරුෂයකුගේ ලිංගික එක්වීම තුලින් සිදුවන සන්සේචනයයි .මෙහිදී සිදුවන්නේ කාන්තාවකගේ පැලෝපිය නාලය තුල ශුක්ක්‍රනුවක් ගමන් කිරීමේදී යම් අවස්ථාවක ශුක්ක්‍රනුව හා ඩිම්බය එක්වීමයි.මෙයින් සෑදෙන මුල්ම සෛලය යුක්තානුවයි .යුක්තානුව මිනිස් ජිවිතයක ආරම්භයයි.මෙම යුක්තානුව පැය 30ට පසු සෛල බෙදීමකට ලක්වේ.ඒ අනුව මෙය යුක්තානු සෛල 16කින් යුත්” මොරුයුලා”අවස්ථාවටත් සෛල 64කින් යුත් බිලාෂ්ඨකෝෂ අවස්ථාවටත් පත්වේ.මේ අවස්ථාව සිදුවන්නේ සංසේචණයෙන් දින 06ටකට පසුවයි.පසුව මෙය ගර්භාෂ බිත්තියේ තැම්පත් වී කලලයක් බවට විකසන වීමට පටන්ගනී.සංසේචනයෙන් දින 14ට පසු කළලය සම්පුර්නයෙන්ම් ගර්භාෂ බිත්තියේ තැම්පත් වේ.මේ අයුරින් අවයව විකසනය ආරම්භ වූ සති 08ක කලලයක් (භ්‍රෑණය )ගර්භාෂය තුල දරුවකු බවට පත්වේ.සංසේච ණයේ සිට දරු උපත දක්වාම කාලය සති 40කි.මේ සියලු කරුණු මා වෛද්‍යවරයකුගෙන් අසා දැනගත් කරුණු බව ඔබට සදහන් කරමි.මේ පිළිබද විස්තර කරනවිට ම සිත තුලද පහන් සිතුවිලි ජනිතවිය.මන්ද මෙය කොතරම් චාමත්කාර අත්දැකීමක්ද කියා.

“දරුවන් රටට,ජාතියට සම්පතක් බව අරුමයක් නොවනු ඇත”

නමුත් අද අප රටේ නීතියට අනුව ගබ්සාව නීතිවිරෝධී.අපරටේ නීතියට අනුව ගබ්සාව අනුමත කරනු ලබන්නේ ගර්භනීබාවය හේතුවෙන් මවක් අවදානම් තත්වයක සිටිනම් පමණි.

නමුත් ගබ්සා වර්ග කීපයක් ඇත.

01.ස්වයං ගබ්සාව – මෙහිදී සිදුවන්නේ පිළිසිද ගැනීමකින් පසුව පළමු මාස දෙක තුන ඇතුලත නොදැනුවත්වම කළලය විනාශ වී යාමයි.

02.ප්‍රතිකාර ගබ්සාව -ගර්භනී අවස්ථා වලදී ,වෙනත් රෝගයකට බෙහෙත් භාවිතා කරන්නේනම් එම බෙහෙත් වර්ග විෂවීම හේතුවෙන් කළලය විනාශ වීම .

03.ආසාදන ගබ්සාව -මවට යම් දෙයක් විෂ වූ විට හෝ බෝවන රෝග ආසාදනය වීමෙන් හෝ සුව කල නොහැකි රෝගී තත්වයන් වලදී මෙය කලලයට බලපානු ඇත.

04.සාපරාධි ගබ්සාව -එනම් තමන් හිතාමතාම දැන දැන කරන ගබ්සාවයි.

ඔබ දන්නවාද ?අප රටතුල දිනකට ගබ්සා කිරීම් 750-1000ක්ද ,වසරකට 400000-450000 අතර සිදුවන බව සමීක්ෂණ වාර්තා වලින් පෙන්වා දෙයි.

අනිත් කරුණ වනුයේ ගබ්සාවට ලක්වන කාන්තාවන් බහුතරයෙන් (96%)වයස 30-40අතර විවාහක දුප්පත් කාන්තාවන් වන බවයි.මෙයින් 4%ක් පාසල් ළමුන් හා අවිවාහක තරුණ කාන්තාවන් වේ.මෙයින් 90%ක්ම ගබ්සා කරනු ලබන්නේ පළමු සති 12ඇතුළතයි.

මේ පිළිබද අපි ටිකක් සිතා බලමු …

වැඩි ප්‍රමානයක් සිදුවන්නේ විවාහක කාන්තාවන් අතර නම් මා සිතනා පරිදි එක් කරුණක් වනුයේ ආර්ථිකයයි.එනම් අද පවතින ජිවන වියදම අධික බැවින් එක් පවුලක දරුවන් සිටින්නේ එක් කෙනෙකු හෝ දෙදෙනෙකු පමණි.ඔවුන් සිතන්නේ තවත් දරුවෙකු ජිවත් කරවීමට සිදුවුවහොත් ඔවුන්ට එය දර ගැනීමට නොහැකි වේ යැයි සිතා ඔවුන් ගබ්සාවට යොමුවේ.නමුත් ඔවුන් වුවද සිතිය යුතුයි උපදින්නට සිටින්නේ ද තමන්ගේ ලෙයින් වැඩුන දරුවකු බවයි. අද ඕනෑ තරම් උපත් පාලන ක්‍රම ඇති බව ඔබ නොදන්නවා නොවේද?එම නිසා විවාහක කාන්තාවක් වශයෙන් ඒ පිළිබද අවදානය යොමුකළ යුතු නොවේද?

      පාසල් ළමුන් බොහෝ විට මේ තත්වයට යොමු වන්නේ ඔවුන්ට යම් අයකුගෙන් අපරාදයක් සිදුවූ විට හෝ තමන්ගේ නොදැනුවත් කමනිසා තරුණ තරුණියන් මේ ලිංගික ජීවිතය අත්හදා බැලීමට යාමයි.අද බොහෝ තරුණ පිරිස් ආලයෙන් අන්ධ වීමෙන් මේ අපරාදයට යොමුවෙති.නමුත් අවසානයේ සමාජයට මුහුණ දීමට නොහැකිව අසරණ වීම නිසා ගබ්සා කිරීමට යොමු වෙති.

සාපරාදී ගබ්සාවක හානිකර ප්‍රතිපල –

*මෙහිදී සිදුවන්නේ මාස දෙකක් හො තුනක් වයස ඇති දරුවා බලෙන් ශරීරයෙන් ඉවතට ගැනීමයි .එහිදී එක එක උපකරණ බාවිතා කර දරුවා ඉවතට ගැනීම සිදු කරයි.මේ අවස්ථාවේදී අධික ලෙස රුධිරය වහනය වීම සිදුවේ.ඒ වගේම අභ්‍යන්තර අවයව වලටද හානි සිදුවේ.

සමහර අවස්ථා වල කම්පනය හෝ අසාදිත තත්වයන් මත මව මිය යාමට අවස්ථාව ද තිබේ.

*ප්‍රජනන පද්ධතිය ආශ්‍රිත රෝග වලට ගොදුරු වේ.

නැවත දරුවන් බිහිකිරීමේ හැකියාව නැතිවීම.

ඔසප් වීම ඇන හිටීම හෝ අක්‍රමවත් වීම.

*ගබ්සාවකට පසු මව මානසික රෝගියෙකු බවටද පත්විය හැක.

විශේෂයෙන් ඔබ ගබ්සාවක් සිදු කිරීමට පෙර මතක තබා ගතයුතු කරුණක් ඇත.එනම් ජීවත්ව සිටින මිනිසෙකුට කවුරුන් හෝ හිරිහැර කිරීමට සැරසෙනවිට ඔහු එයින් මිදී පලායාමට උත්සාහ ගනී නමුත් කුසතුල සිටින දරුවා කෙසේනම් බේරී පලායන්නද ?

“අනේ අසරණ අහිංසක කිරිකැටියා මරණයේ අනේක දුක්විද මරුමුවට පත්වේ.”

දැන් ඔබ ගබ්සාවක් යනු කුමක්ද?එයින් සිදුවන විපාක හා දුෂ්කරතා හොදින් අවබෝද කරගෙන ඇති බව මා දනිමි.කාන්තාවන් වන අප දරුවකු දරුවකු බිහිකිරීමේ වරය ලබා ඇත.එය අද නවීන තාක්ෂණයට වත් කල හැකි දෙයක් නොවේ.එම නිසා තරුණියක කාන්තාවක වශයෙන් ගබ්සාවක් කිරීමට ප්‍රථම දෙවරක් සිතන්න.මන්ද එයින් සිදුවන අනිසි ප්‍රතිපල ඔබ දන්නා බැවිනි.

යම් ලෙසකින් ඔබට දරුවා හදා ගැනීමට නොහැකිනම් අද දරුවන් නොමැතිව දුක්විදින දෙමාපියන් කොතෙකුත් සිටීද.එවන් අයෙකුට දරුවා බාර දෙන්න.එය මෙවැනි අපරාදයක් කරනවාට වඩා පුණ්‍ය කර්මයකි.

අවිවාහක තරුණියන්ද තාවකාලික සැපය පසුපස නොගොස් තමන්ට ගැලපෙන විවාහයක් නියමිත වයසේදී සිදුකර ගෙන සොදුරු ආදරයේ ආස්වාදය නිර්මාණය කරගැනීමට හැකි බව ඔවුන් මතක තබා ගත යුතුයි.

අපේ ඇති වැරදි වලට නොපිපුණු මල් කැකුලක් පොඩිකර ලන්නේ මන්ද?

KEYWORDS
#awareofabortion #abortion #womencare #awareofabortioninsrilanka #sinhalaarticleinsrilanka #abortionarticleinsrilanka #

The post ගබ්සාව ගැන දැනුවත් appeared first on mummypages.lk-Pregnancy and Parenting.

ගර්භණී අවස්ථාවේදී දුම්පානය නවත්වන්න.  ඔබේ සහකරුගෙන් ද දුම්පානය නවත්වන ලෙස ඉල්ලා සිටින්න.

ඔබේ ගර්භයේ සිටින බබාට දුම්කොළ වලින් නික්මෙන දුම ඉතා අහිතකර වේ.  සිගරට්, සුරුට්ටු සහ පයිප්ප දුම්වල 7,000 කට වඩා රසායනික ද්‍රව්‍ය අඩංගු වේ.  ඔබේ බබාව දුම්කොළ වලින් නික්මෙන දුමෙන් ආරක්ෂා කිරීම ඔබේත්, ඔබේ සහකරුගේත් වගකීමකි.  ඔබ සිගරට් දුම උරන සෑම වාරයකදීම ඔබේ බබාගේ හෘද ස්පන්දනය ඉතා දැඩි වන බව ඔබ දන්නවාද?  එයට හේතුව ඔබ සිගරට් දුම උරන වාරයක් පාසා, ඔබේ බබාට ඔබෙන් යන ඔක්සිජන් ප්‍රමාණය ඉතා අඩු මට්ටමක පවතින නිසයි.

ඉතා ඉක්මනින් දුම්බීම නැවැත්වීම ඔබටත්, ඔබේ බබාටත් හිතකර වේ.  එවිට ඔබේ ගර්භණී භාවයට ඇතිවිය හැකි ව්‍යාකූලත්වය අඩුවන අතර, ගබ්සා වීම්, මළ දරු උපත්, නොමේරූ දරු උපත්, හදිසි ළදරු මරණ (Sudden Infant Death Syndrome – SIDS) සහ උපත් බර අඩුවීම් ආදී අවදානම් තත්ත්ව අඩු කර ගත හැකිය.

ඔබ කලින් දුම්පානය කළ අයෙක් නම්, අමතර උදව්වක් නොමැතිව එම පුරුද්ද අත්හැරීම අපහසු විය හැක.  මේ පුරුද්ද සම්පූර්ණයෙන් නැති කිරීම විශේෂඥ උදව් මගින් කළ හැකි බව වාර්තා පෙන්වා දෙයි.  මේ පිලිබඳ ඔබේ වෛද්‍යවරයාගේ සහය පතන්න.

ඔබ දුම් පානයෙන් පිටවන දුම්වලට නිරාවරණය වන්නට එපා

ඔබ දුම්පානය නොකළත්, අන් අය පිට කරන සිගරට්/සුරුට්ටු/පයිප්ප දුම් වලට ඔබ නිරාවරණය වීම හෙවත් එම දුම් ඔබ ආඝ්‍රානය කිරීම ද, ඔබේ බබාට ඉතා අහිතකර වේ. ඔබේ සහකරුගේ හෝ ඔබේ නිවසේ/රැකියාව කරන ස්ථානයේ වෙනත් කෙනෙක් දුම් පානය කරන්නේ නම්, එම දුම ඔබේ බබාට, ඔහු/ඇය ඉපදීමට පෙර හෝ පසු බල පෑ හැකිය. අවුරුදු 15ට වැඩි පිරිමින්ගෙන්, 25%ක් ශ්‍රී ලාංකිකයන් දුම් බොන්නන් බව ලෝක බැංකු දත්ත වලින් පෙන්වා දෙනු ලැබේ. මෙයින් පෙන්වා දෙන්නේ, ඔබේ නිවසේදී හෝ රැකියාව කරන ස්ථානයේදී ඔබ දුම් පානය කරන්නෙකුගේ දුම් වලට බඳුන් වන බවයි.  එසේ අන් අයෙකුගේ දුම් වැටියකින් පිටවන දුම ඔබට ආඝ්‍රාණය වේ නම්, නොමේරූ දරු උපතකට, මළ දරු උපතකට, උපත් බර අඩු දරු උපතකට, හදිසි ළඳරු මරණයකට හෝ සෙංගමාලය, ලේ අඩුකම සහ පෙනහළු රෝග වැනි  අලුත උපන් දරුවාගේ සෞඛ්‍ය ගැටළුවකට  ඔබට මුහුණ පෑමට සිදු විය හැක.

දුම් පානය කරන දෙමව්පියන්ගේ දරුවන්,  වයස මාස 18ක් වැනි කාලයක් තුල හදිසි ළඳරු මරණයකට, ශ්වාසනාළිකා ප්‍රදාහය, නිව්මෝනියාව සහ ඇදුම වැනි රෝගයන්ට මැදිහත් විය හැක.  එසේම, ඔවුන්ට සෙම්ප්‍රතිශ්‍යාව, කැස්ස සහ ශ්‍රවනේන්ද්‍රියන් සම්බන්ධ රෝග ආදී රෝගයන්ට මුහුණු පෑමට ඇති අවදානම, දුම් පානයට නැඹුරු නොවූ දෙමව්පියන්ගේ දරුවන්ට වැඩි වේ.  ඔබට ඔබේ ආදරණීය බබාට මෙවැනි  අවස්ථාවකට  මුහුණ පෑමට ඉඩ දිය හැකිද?

එය තවමත් ප්‍රමාද වැඩි නොවේ. ඔබ ගර්භණී අවස්ථාවේ සිටින විට, ඔබ ඉක්මනින් දුම්පානය නැවත්වුවහොත්,  ඔබේ බබාට  නීරෝගී වර්ධනයක් ඇතිවීමට ඇති හැකියාව ඉතා අධිකය.  ඔබේ නිවසේ වෙසෙන අයෙක්, ඔබේ රැකියා ස්ථානයේ අයෙක් හෝ  ඔබ සමඟ එකම රථයේ ගමන් කරන අයෙක් දුම්බීමට ලැහැස්ති වේනම්, ඔවුන්ට  එම ස්ථානයෙන් පිටතට ගොස් දුම්පානය කිරීමට සලස්වන්න.  එවිට ඔබට ඔවුන් පිටකරන දුමාරය ආඝ්‍රණය නොවේ.  ඔබේ ගර්භණී අවස්ථාවේ අවසන් අදියරේදී හෝ  ඔබ මෙම දුම්පානයෙන් හෝ දුම් වැටී වලින් නික්මෙන දුමාරයෙන් වැළකේ නම්, එමඟින්ද, ඔබේ සහ ඔබේ බබාගේ සෞඛ්‍ය පිළිබඳ සෑහෙන හොඳ ප්‍රතිචාරයක් ඇති කරනු ලැබේ.

#smokinginpregnancy #smoking #pregnancy #women #pregnentwomen #sinhalaarticleinsrilanka #sinhalaarticle

The post ගර්භණී අවස්ථාවේ දී දුම්බීම appeared first on mummypages.lk-Pregnancy and Parenting.

සාමාන්‍යයෙන් ගර්භණී භාවය සති 40ක කාලයක් තුළදී නිම විය යුතුයි; එනම් ඒ වනවිට දරු උපත සිදුවිය යුතුයි.  (හෝ අන්තිමට ඔසප් වූ මුල් දිනයේ සිට දින 280ක් තුළදී). සති 41 දී, ඔබේ දරු උපත සිදු නොවුයේ නම්, එය කල් ඉක්ම වූ දරු උපතක් ලෙස හැඳින්වේ.

දරු උපත ගර්භනීත්වයේ සිට සති 41ක් තුල සිදු නොවුයේ නම්, කුමක් කළ යුතුද?

ඔබට ඔබේ වෛද්‍යවරයා විසින් මුලින්ම “මෙම්බ්‍රෙන් ස්වීප් “ නමැති අතිධ්වනීය පරීක්ෂාවකට ලක් කරනු ලැබේ. එමඟින්, ඔබේ යෝනි මාර්ගය පරීක්ෂා කරනු ලැබේ. එමඟින් ඔබේ ගැබ් ගෙල උත්තේජනය කිරීමේ හොර්මෝන් ක්‍රියාවලිය මඟින් ප්‍රසූතිය ආරම්භ කිරීමට උත්සහ කරනු  ලැබේ.  මේ සඳහා වැඩි විස්තර  අපේ ප්‍රසූතිය ප්‍රේරණය කිරීම නමැති ලින්ක් එකෙන් දැනගත හැකි වේ.

ඔබට තවමත් ප්‍රසූති ක්‍රියාවලිය පටන් නොගනී නම්, ඔබේ වෛද්‍යවරයා හෝ වින්නඹු මාතාව, ප්‍රසූතිය උත්තේජනයකට භාජනය කිරීමට උපදෙස් දෙනු ලැබේ –  මේ සඳහා වැඩි විස්තර  අපේ ප්‍රසූතිය ප්‍රේරණය කිරීම නමැති ලින්ක් එකෙන් දැනගත හැකි වේ.  ඔබ මේ සම්බන්ධයෙන්  තීරණයක් ගැනීමට පෙර, මෙම ක්‍රමයෙන් සිදුවන වාසි අවාසි (හොඳ නරක) පිළිබඳව ඔබේ වෛද්‍යවරයාගෙන් හෝ වින්නඹු මාතාවගෙන් අසා දැනගන්න.

ඔබට සති 41 දී දරු උපත සිදු නොවේනම්, ඔබේ බබාගේ චලනය වීමේ  ක්‍රියාවලිය සහ හෘද ස්පන්ධනය සාමාන්‍ය අයුරින් තිබේදැ’යි නිරතුරුව පරීක්ෂා කරනු ලැබේ.  එහි යම්කිසි වෙනසක් දැනේ නම්, ඔබට බබාව ප්‍රසූති කිරීමට අවශ්‍ය උපදෙස් දෙනු ලැබේ.

බොහෝ කාන්තාවන්ට, සාමාන්‍යයෙන් සති 42ක කාලයක් තුළ දරු උපත සිදු වේ.  සති 42ක් තුළ, ඔබට දරු ප්‍රසුතිය සිදු නොවුයේ නම්, දරුවා බිහි කිරීමට ගත යුතු ක්‍රියා මාර්ග ගැනීමට ඔබට දැඩිසේ උපදෙස් දෙනු ලැබේ.  එයට හේතුව වනුයේ සති 42 ක් තුළ දරු උපත සිදු නොවුයේ නම්, මළ දරු උපත් සිදු වීමේ ප්‍රවනතාවය වැඩි වීමයි.

#Infantbirthsexceedingly #Infantbirths #pregnancytime #pregnancywomen #pregnancytime

The post කල් ඉක්ම වූ දරු උපත් appeared first on mummypages.lk-Pregnancy and Parenting.

සමහර කාන්තාවන්ට දරු ප්‍රසූති ක්‍රියාවලිය වේදනාකාරී විය හැකිය.  වේදනාව අඩු කිරීමේ ක්‍රම ඉගෙන ගැනීමෙන්, ඒ සඳහා ඔබට සූදානම් වියහැක.

ස්වසාධනය (තමාටම උදව් කර ගැනීම)

නියමිත ව්‍යායාම් සහ ප්‍රසූතියට පෙර ඒ පිලිබඳ උගන්වන පංති වලට සහභාගී වීමෙන් ඔබට මානසිකව සහ ශාරීරිකව ප්‍රසූතිය සඳහා සූදානම් විය හැක.  විවිධ මාදිලියේ විවේක ගැනීම් සහ ආශ්වාස ප්‍රශ්වාස ක්‍රම ඉගෙන ගැනීමෙන්, දරු ප්‍රසූති අවස්ථාවේදී ඔබට සංසුන්ව සිටීමටත්, අවශ්‍ය අවස්ථාවලදී, නියමිත පරිදි  දරුවාව පහළට තල්ලු කිරීමටත් හැකියාව ලැබේ.  දරු ප්‍රසූතියේදී ඔබට වේදනාව අඩු කිරීමට උදව් කරන ඉරියව් මොනවාදැ’යි පර්යේෂණ කරමින්, තනිවම උත්සහ කිරීමෙන් ඔබටම වේදනාව පාලනය කරගත හැක.  ඔබේ සැමියා, යෙහෙළියක් හෝ ළඟම ඥාතියෙක් දරු ප්‍රසූති අවස්ථාවේ ඔබ අසල සිටීමෙන් අවශ්‍ය වෙලාවට ඔබේ පිට කොන්ද මෘදු ලෙස පිරිමැද ගැනීමෙන් ඔබේ කොන්දේ වේදනාව අඩුවේ.  සංකෝචනය පටන් ගන්නා මුල් අවස්ථාවේදී, උණුසුම් ජලයෙන්  ස්නානය කිරීමෙන් සහ එහා මෙහා ඇවිදීමෙන් වේදනාව යම් ප්‍රමාණයකට අඩු කර ගත හැක.

වේදනාව අඩු කර ගැනීම සඳහා සැලසුම් කිරීම

ඔබේ වෛද්‍යවරයාගෙන් සහ වින්නඹු මාතාවගෙන් ප්‍රසූති වේදනාව යටපත් කර ගැනීම සඳහා ලබාගත හැකි වෛද්‍ය උපදෙස් ලබා ගැනීමෙන්, ඔබට ගැළපෙන දේ තීරණය කළ හැක.  කෙසේ හෝ, දරු ප්‍රසූතියේදී නිදහස් මානසික තත්ත්වයකින් සිටීමෙන්, ඔබ සැලසුම් කළ ආකාරයකට වඩා වැඩියෙන්/අඩුවෙන් හෝ වෙනස් ආකාරයේ වේදනාවක් ඇති විය හැක.

පහත සඳහන් වන්නේ, ප්‍රසූතියේ දී සාමාන්‍යයෙන් යොදා ගන්නා වේදනානාශක ක්‍රමයි :

ගෑස් සහ වාතය :  ඔක්සිජන් සහ නයිට්‍රස් ඔක්සයිඩ් ගෑස්, මුහුණු ආවරණයකින් හෝ මුව නළයකින් ඔබට ආශ්වාස ප්‍රශ්වාස කිරීමට දෙනු ලැබේ.  ඔබ එය ගැනීමෙන් අනතුරුව තත්ත්පර 15-20ක් අතරදී එය ක්‍රියාශීලී වේ.  සංකෝචනය පටන් ගත් පසු, සෙමින් ඉතා ගැඹුරු හුස්ම ගන්න.  මෙමඟින් ඔබේ වේදනාව මුළුමනින්ම අඩු නොවුනත්, ඔබට එම වේදනාව දරා ගත හැකි බව ක්‍රමයෙන් වැටහේවි.  මෙය ප්‍රසූතියට පෙර තිබෙන පංති මඟින් ඉගෙන ගත හැකිය.  තවද, මෙම ක්‍රමය ආරක්ෂාකාරී වේදනානාශක ක්‍රමයකි.  මෙම ක්‍රමයට බොහෝ කාන්තාවන් කැමති වන්නේ, දරු ප්‍රසූතියේදී මෙමඟින් තමන්ටම වේදනාව පාලනයකරගත හැකි  නිසාය.

ඇතිවිය හැකි අතුරු ඵල (විශේෂයෙන් අනර්ථකාරී) :  මෙම ක්‍රමයෙන් වේදනාව සමනය කිරීම නිසා දැනගැනීමට තරම් විශේෂ අනර්ථකාරී අතුරුඵල මවට හෝ බබාට බලපාන්නේ නැත.   ඔබට අසනීප තත්ත්වයක්, හිසේ සැහැල්ලු බවක්, නිදිමත ගතියක් හෝ මත්බවක් දැනේ නම්, මෙය භාවිතා කිරීම නවත්වන්න.

පෙතිඩීන් එන්නත්

ප්‍රසූත වේදනාව දරා ගත නොහැකි නම්, ඔබේ කලවේ හෝ නිතඹට (තට්ටමට) මේ එන්නත ලබා දේ. මෙමඟින් මස් පිඬු නිශ්චල කර වේදනාව සමනය කෙරේ.   එය මිනිත්තු 20ක් තුළදී ක්‍රියා කිරීමට පටන් ගන්නා අතර, පැය කීපයක් (සාමාන්‍යයෙන් පැය 2 – 4 දක්වා) තිබේ.  මෙම මාත්‍රාවෙන් බාගයක් ඔබට පාවිච්චි කළ හැක.

ඇතිවිය හැකි අතුරු ඵල (විශේෂයෙන් අනර්ථකාරී)  :  ඔබට අසනීප බවක්, සැහැල්ලු බවක් හෝ මත් බවක් දැනිය හැක.  බබා තල්ලු කළ යුතු අවස්ථාවේ, ඔබට එය අසීරු බවක් දැනිය හැක.  ප්‍රසූතිය ලංවී මෙම එන්නත ලබා දුනහොත්, බබාගේ ශ්වසන ක්‍රියාවලියට එය බල පෑ හැක. මෙවැනි ඖෂධ, බබාට දෙන මුල් කිරි වේලටද  බලපෑ හැක.

නිද්‍රාවට පත් කරන එන්නත්

මෙවැනි එන්නත් සිහි නැති කිරීමට (නිර්වින්දනයට පත් කිරීමට) සමාන වේ.  මෙම නිර්වින්දන එන්නත ලබා දෙන්නේ නිර්වින්දක විශේෂඥයකු යටතේය.  මෙම එන්නත වේදනා සංනිවේදනය මොළයට ගෙන යන ස්නායු හිරි වට්ටවයි.  බොහෝ දුරට, මෙය හොඳ වේදනානාශකයක් ලෙස ක්‍රියා කරයි.  මෙය ලබා දෙන්නේ බොහෝ වේලාවක් ප්‍රසූති වේදනාවෙන් පෙළෙන කාන්තාවන් හෝ ප්‍රසූති වේදනාවෙන් පීඩනයට පත් වූ කාන්තාවන් උදෙසාය.    මුලින්ම ඔබේ අතට යම් දියරයක් විඳීමෙන් පසු ඔබේ නිර්වින්දක වෛද්‍යවරයා ඔබට පැත්තට හැරී නිදා ගැනීමට හෝ ඉඳ ගැනීමට උපදෙස් දෙනු ලැබේ.  ඔබේ පිටුපස පිරිසිදු කිරීමෙන් පසු,  ඔබේ පිටුපසට ඉඳිකටුව ඇතුල් කිරීමෙන් පසු, ගර්භාෂය සහ මොළය හා සම්බන්ධ ස්නායුවට එන්නත විඳිනු ලැබේ.  එය ඔබේ ශරීරය තුළ ක්‍රියාකාරී වීමට විනාඩි 10ක් පමණ කාලයක් ගත වේ. ඉන්පසු ශරීරයේ එම ප්‍රදේශය හිරි වැටේ.  ඔබේ සංකෝචන ක්‍රියාවලිය සහ බබාගේ හෘද ස්පන්දනය නිරතුරුව වෛද්‍යවරයා විසින් පරීක්ෂා කළ යුතු වේ.  ඔබගේ පා පෙදෙස මෙම එන්නතින් පසු පහසුවෙන්  එහා මෙහා  කළ නොහැක.  මේ පිළිබඳව ඔබේ වෛද්‍යවරයාගෙන් එන්නත විඳීමට පෙර දැනගත යුතුය.   ප්‍රසූතියේදී මෙම නිර්වින්දන එන්නත පමණක් ප්‍රමාණවත් නොවේ.  ප්‍රසූත වේදනාව ප්‍රහීණ කිරීම සඳහා,  ඉහත සඳහන් කළ වේදනානාශක ක්‍රම පිලිබඳව ඔබ දැනුවත් වී සිටිය යුතුයි.

ඇතිවිය හැකි අතුරු ඵල (විශේෂයෙන් අනර්ථකාරී) :  ඔබේ දෙපාවල බර ගතියක් දැනේ.  සමහරවිට රුධිර පීඩනය අඩු වීමට ඉඩ ඇත (අයි.වී.එෆ්. – IVF පාලනය නිසා රුධිර පීඩනය අඩුවීම ඉතා දුර්ලභ දෙයකි).

ටෙන්ස් (TENS) විද්‍යුත් ස්නායු උත්තේජන උපකරණය 

 ටෙන්ස් (TENS) යන්නෙහි අදහස වනුයේ “transcutaneous electrical nerve stimulation”.  මෙම උපකරණය සමහර රෝහල්වල තිබිය හැක.  ඔබේ වෛද්‍යවරයාගේ උපදෙස් අනුව, ඔබට නිවසේදී පාවිච්චි කිරීම සඳහා මෙම උපකරණයක් මිළ දී ගත හැක.  මෙම උපකරණයේ ඇති කුඩා විද්‍යුත් තන්තු ඔබේ පිටුපසට සවිකළ හැක.  ඒවා උත්තේජනය කරනු ලබන්නේ කුඩා බැටරි විශේෂයකිනි.  මේවායේ ක්‍රියාකාරිත්වයෙන් ඔබේ ශරීරය තුල ස්වභාවික වේදනානාශක  තත්වයක් ඇති වේ.  එය හඳුන්වනුයේ “endrophons” (එන්ඩ්‍රොෆොන්ස්) යනුවෙනි.  මෙම උත්තේජනය නිසා ඔබේ පිටුපස සිට වේදනාව අඩු කිරීමේ සංඥා සුෂුම්නාව දිගේ ඔබේ මොළයට ගමන් කරනු ලැබේ.  මෙම වේදනානාශක ක්‍රමය බොහෝ දුරට ඉවහල් වන්නේ, සංකෝචනය පටන්ගත්  මුල් කාලය තුල මිස, ප්‍රසූතියේ අවසාන අදියරේ දී නොවේ.  ඔබ මෙම උපකරණයක් භාවිතා කිරීමට පෙළඹෙයි නම්, ඔබේ වෛද්‍යවරයාගෙන් හෝ වින්නඹු මාතාවගෙන් මෙය ලබා ගත හැක්කේ කුමන ස්ථානයකින්දැ’යි අසා දැන ගන්න.

ඇතිවිය හැකි අතුරු ඵල (විශේෂයෙන් අනර්ථකාරී) :  මෙම ක්‍රමයෙන් වේදනාව සමනය කිරීමෙන් දැනගැනීමට විශේෂ අනර්ථකාරී අතුරුඵල නොමැත.

#duringpregnancy #motherandbaby #mothercare p#regnancy  #pregnancyarticleinsrilanka #pregnancymotherin srilanka #pregnancywomen #sinhalaarticle #sinhalapregnancyarticle

The post දරු ප්‍රසුතියේ ඇතිවන වේදනාව අඩු කිරීම appeared first on mummypages.lk-Pregnancy and Parenting.

ගර්භණී අවස්ථාවේදී ශක්තිමත්ව සහ ක්‍රියාශීලීව සිටීම

ගර්භණී අවස්ථාවේ ශක්තිමත්ව සහ ක්‍රියාශීලීව සිටීම නිසා ඔබේ ශරීරයේ සිදුවන වෙනස්වීම සහ ශරීර බර ප්‍රමාණය වැඩිවීම කෙරෙහි පහසුවෙන් සහ හොඳින් අනුවර්තනය විය හැක.  තවද, දරු ප්‍රසුතියට එය ඉවහල් විය හැකි අතර, දරු ප්‍රසුතියෙන් පසුව ශරීරයේ හැඩය පවත්වා ගෙන යාමටත් උදව් වේ.  හොඳ ශරීර හැඩයකින් යුක්ත වීම  නිසා, ගර්භණී අවස්ථාවේ දී ඇතිවන සාමාන්‍ය සෞඛ්‍ය ප්‍රශ්ණ වලට හොඳින් මුහුණ දීමේ හැකියාව  ලැබේ.  ව්‍යායාම වලින් පසුව ඔබට හොඳ රාත්‍රී නින්දක් ද ලබා ගත හැක.

ගර්භණී අවස්ථාවේ දී ශක්තිමත්ව සහ ක්‍රියාශීලීව සිටීම සඳහා උපයෝගී විය හැකි නිර්දේශ කිහිපයක්:

• දිනපතා කරන ක්‍රියාවන් – ඔබට පහසුවක් දැනෙන හැම දවසකම සාමාන්‍යයෙන් ඔබ කළ වැඩ කටයුතු සහ ව්‍යායාම කිරීම නොකඩවා කළ යුතුයි

• ව්‍යායාම් කරන අතරතුරදී ඔබ වෙහෙසට පත්වන්න එපා – සිහි නුවණින් ක්‍රියා කරන්න. ඔබට හුස්ම ගැනීමට අපහසු නම් හෝ ඔබට වෙනත් කෙනෙකු සමඟ කතාබහේ යෙදීමට අපහසු නම්, එහි තේරුම ඔබ අධිකව වෙහෙසට පත්ව ඇති බවයි.

• දිනපතා ක්‍රියාශීලිව හැසිරෙන්න – උදාහරණයක් වශයෙන්, පැය භාගයක් පමණ ඇවිදීමෙන් ඔබට වෙනසක් ඇති කරගත හැකිය. ඔබේ සහකරු සමඟ ඇවිදින්නට යාමෙන් ඔබට ඔබ වෙනුවෙන් ඉතා හොඳ කාලයක් මිඩංගු කළ හැකියි.

• අළුත් යමක් හදිසියෙන් පටන් ගත යුතු නොවේ – ඔබ ගර්භණී තත්ත්වයට පත් වීමට පෙර ඉතා ක්‍රියාශීලී කාන්තාවක් නොවේ නම්, අලුත් ශාරීරික ක්‍රියාකාරකමක් හදිසියේ පටන් නොගත යුතුය. ගර්භණී අවස්ථාවේ පළමු වතාවට ඔබ ව්‍යායාම් කිරීමට පටන් ගන්නේ නම්, මුලින්ම ඉතා මෘදු  ව්‍යායාම් කිරීමට පටන් ගන්න.  ක්‍රමයෙන් ව්‍යායාම් කිරීම වැඩි කළ යුත්තේ පහසු  කාල පරාසයක් අතරතුරදීයි.

• ව්‍යායාම් කිරීම නිතරම අඩු වැඩි කරන්න (ශරීරය උණුසුම් කිරීම සහ නැවත සිසිල් කිරීම – යථා තත්ත්වයට පත් කිරීම) – ව්‍යායාම් කිරීමට ප්‍රථම මෘදු දිගැදීම් කිරීමෙන් මෙය පාලනය කළ හැක.

• පිහිනීම – ඔබ විනෝදයට පත් කිරීමටත්, ඔබේ වැඩි වූ ශරීර බර ප්‍රමාණය දරා ගැනීමටත්, ඔබේ ශරීර අවයවවල සංදිවල පීඩනය අඩු කිරීමටත්, ව්‍යායාමයක් වශයෙන් පිහිනීම උපකාරී වේ.

• විනෝද වන්න – ඔබේ පවුලේ සාමාජිකයන් සහ යහළුවන් සමඟින් කළ හැකි නොයෙකුත් විනෝදජනක ක්‍රියාකාරකම් සොයා ගන්න.  (උදාහරණයක් වශයෙන් උද්‍යානයක හෝ මුහුදු වෙරළේ හවස් යාමයේ ඇවිදීමට යන්න)

ඔබ අමතර බරක් දරා සිටින නිසා, ඔබේ අස්ථි සහ අස්ථිබන්ධයන් ලිහිල්ව පවතින හෙයින්, ඔබට යම් හිංසාවක් වීමට ඉඩකඩ වැඩිබව මතකයේ තබා ගත යුතු කරුණකි.  සෑමවිටම ප්‍රවේශම් සහිත වේග සීමාවක් ඔබ ඇවිදීමේදී තබා ගත යුතුය.  ඇවිදීම සඳහා ඉතා හොඳ තත්ත්වයේ පාවහන් යුගලක් මිළදී ගැනීම සුදුසුය.

ගර්භණී අවස්ථාවේදී නොකළ යුතු ව්‍යායාම් :

• පහසුවෙන් බිමට ඇදවැටීමට ඉඩකඩ ඇති ව්‍යායාම් මඟ හරින්න (බයිසිකල් පැදීම වැනි)

• බර ඉසිලීමේ ව්‍යායාම් මඟ හරින්න – පරිපූර්ණ අත්දැකීම් ඇති පුහුණුකරුවෙක් සිටීනම්, ඔහු/ඇය ඔබ ගර්භණී බව දනී නම්, ඔබට සුදුදු බර ඉසිලීමේ ව්‍යායාම් අනුමත කරනු ඇත.

• සබඳතා ඇති ක්‍රීඩා වලින් වළකින්න – ඔබට පහරක් වැදීමට ඉඩකඩ ඇති ක්‍රීඩා, ජුඩෝ, කරාටේ වැනි ක්‍රීඩා වලින් වළකින්න.

• (මුහුදු සීමාවේ සිට අඩි 2,500 වැනි) උස් ස්ථානවල සහ ගැඹුරු ජලයේ සිට කරන ව්‍යායාම් වලින් වළකින්න (scuba-diving – ස්කුබා යොදාගෙන දිය යට පිහිනීම)

• උඩබැලි අතට නිදාගෙන බොහෝ වෙලාවක් ගත කරන්න එපා – විශේෂයෙන් සති 16න් පසු මෙසේ සිටීම,  ඔබේ රුධිර පද්ධතියට අනිසි අයුරින් බල පෑ හැකිය.

• උෂ්ණාධික කාලයකදී දැඩි ව්‍යායාම් වලින් ඉවත් වන්න.

• ව්‍යායාම් කරන අවස්ථාවේදී සහ ඊටපසු, ඔබේ ශරීරය විජලනය වීමට ඉඩ හරින්න එපා – සෑමවිටම ඔබ අසල පිරිසිදු සහ නැවුම් ජල බඳුනක් තබාගන්න.

ගර්භණී අවස්ථාවේදී කිරීමට සුදුසු විශේෂ ව්‍යායාම් කිහිපයක්:

ඔබේ දිනපතා ක්‍රියාකාරකම් සඳහා පහත සඳහන් ව්‍යායාම් කිරීමෙන්, ඔබේ මාංශ පේශින් සහ අස්ථි බන්ධන ශක්තිමත් වනු  ඇත.  ඔබේ රුධිර පද්ධතියේ රුධිර සංසරණය වැඩිදියුණු වේ. එසේම, ගර්භණී අවස්ථාවේ ඇතිවන පිටේ වේදනාවන් සමනය කරනු ලැබේ.

• උදරය ශක්තිමත් කිරීමේ ව්‍යායාම්

 ප්‍රයෝජන – පිටේ ඇතිවන වේදනාව සමනය කරන අතර, යටි බඩේ ඇති මාංශ පේශීන් ශක්තිමත් කරයි

• ශ්‍රෝණිය සහ සම්බන්ධ ව්‍යායාම්:

ප්‍රයෝජන : ඔබේ ශ්‍රෝණිය හා සම්බන්ධ මාංශ පේශීන් දරු ප්‍රසූතිය සඳහා ශක්තිමත් කරන අතර, ගර්භණී කාලයේදී පවතින මානසික පීඩනය සමනය කෙරේ.

#exerciseonpregnancy#pregnancytime #pregnancytips #pregnantmother #pregnancywomen #sinhalaarticle #sinhalaarticleinsrilanka #pregnancymotherinsrilanka #pregnancycare #duringpregnancy #exerciseonpregnancy #pregnancyexercisesinhalaarticleinsrilanka

The post ගර්භණී අවස්ථාවේ ව්‍යායාම් කිරීම appeared first on mummypages.lk-Pregnancy and Parenting.

ඔබේ දරු ගැබට සති 37 සම්පූර්ණ වීමට පෙර, ඔබට දරු ප්‍රසූතිය සඳහා සූදානම් වීමට සිදු වේනම්, එය “නොමේරූ දරු ප්‍රසූතියක්” ලෙස හඳුන්වනු ලැබේ.  මෙම අවස්ථාවේදීද, ඔබේ දරු ගැබ  සම්පූර්ණ වීමෙන් දැනෙන ප්‍රසූති වේදනාවේ ලකුණුම දැනගැනීමට ලැබේ.

ඔබ දරුවන් එක්  අයෙකුට වඩා (නිවුන්නු හෝ තුන් නිවුන් දරුවන්) බලාපොරොත්තු වේනම්, ඔබට නොමේරූ දරු උපතක් සිදු වීමට වැඩි ඉඩකඩක් ඇත.  බොහෝ නිවුන් දරුවන් ඉපදෙන්නේ සති 37කින් වුවත්, තුන් නිවුන් දරුවන් සති 33ක් වැනි කාලයකදී බිහි වේ.

ඔබට නොමේරූ දරු උපතක් සිදු වේනම්, බලාපොරොත්තු විය හැක්කේ කුමක්ද?

• ඔබ නොමේරූ දරු ප්‍රසූතියක ඉඟියක් දැනේ නම්, වහාම ඔබේ වෛද්‍යවරයාට හෝ වින්නඹු මාතාවට කතා කරන්න.

• එවිට ඔබේ වෛද්‍යවරයා, ඔබට දරු ගැබේ සංකෝචන ක්‍රියාවලිය තාවකාලිකව නැවැත්වීම සඳහා ඖෂධයක් ලබා දී, ස්ටේරොයිඩ් (steroid) එන්නතක් දෙනු ලැබේ. එය ලබා දෙන්නේ ඔබේ නොමේරූ දරු උපතේදී සිදුවිය හැකි අවදානම (ආශ්වාස ප්‍රශ්වාස ප්‍රශ්න හෝ රුධිරය වහනය වීම වැනි) අඩු කිරීම සඳහායි.  ස්ටේරොයිඩ් එන්නත ශරීරය තුළ ක්‍රියාත්මක වීමට පැය 24ක කාලයක් ගතවේ.

• ඔබේ දරුවා නිසි කාලය සම්පූර්ණ වීම පෙර ඉපදෙන ලකුණු තිබේ නම්, ඔබ ඇතුලත් විය යුත්තේ නොමේරූ දරු උපත් සඳහා අවශ්‍ය පහසුකම් ඇති ආරෝග්‍යශාලාවකටයි (එනම් නවජ හෙවත් අලුත උපන් ඒකකයකටයි – Neonatal Unit).  ඔබ තෝරාගත්  ආරෝග්‍ය ශාලාවේ එම පහසුකම් නැතිනම්, දරු උපතට පෙර හෝ උපත සිදු වූ වහාම ඔබව, එවැනි පහසුකම් සහිත ආරෝග්‍ය ශාලාවක් වෙත යවනු ලැබේ.#pregnancytime #pregnancyarticleinsrilanka #pregnancypain #duringpregnancy #pregnancycare #sinhala articleinsrilanka

The post නොමේරූ දරු උපත් appeared first on mummypages.lk-Pregnancy and Parenting.